徐濠縈、周汶錡及Amanda S.等前晚現身中環藝穗會，出席法國皮革品牌Roger Vivier的新書發佈活動，染了一頭金髮的阿徐被記者笑言似瑪麗蓮夢露，她表示：「之前同Eason（陳奕迅）睇Blur演唱會，去gym都有人話似，我唔係扮外國人，不過囡囡就唔欣賞，佢鍾意我長頭髮，Eason就乜嘢髮型都支持，淨係唔鍾意我駁髮，因為瞓覺時會kick親佢。」提到Eason將開25場演唱會，好友何志恩笑言為他設計露肉的歌衫，阿徐笑言：「佢可以露腳趾，佢係唯一一個開演唱會唔使地獄式減肥嘅人，不過去到尾就會瘦，希望佢今次可以由170磅減到150幾磅，自己鍾意瘦，希望可以搵番初戀感覺，因為好唔公平，我就要keep住我初相識嘅體重。」
染金髮的阿徐被人笑似瑪麗蓮夢露，她指陳奕迅（小圖）十分支持。
Amanda S.一身露背晚裝現身活動。周汶錡剛慶祝完生日，她希望在內地興建學校。
Jocelyn及夫婿夫婦檔客串做DJ打碟。
周汶錡驚生B
此外，剛慶祝生日的周汶錡表示今年未有收太多禮物：「都係同朋友不醉無歸，自己今年希望可以喺國內開多間學校，之前已經有一間，叫『開澄』小學，用爸爸個名開，𠵱家等緊批文，都要六位數字。」問到法籍夫婿Julien有否送B作生日禮物？她笑言：「點送？好驚，唔好嚇我。」
from:
http://hk.apple.nextmedia.com/entertainment/art/20130523/18268365
