張名雅當選港姐即將一年，對於自己快將卸任，她說：「暫時未有太大感覺，不過相信到時就會好唔捨得。港姐呢一年令我體會到好多唔同嘅事物，係好值得紀念嘅一年。」她表示卸任後希望可多方面發展，特別想進軍戲劇方面。她說：「我以前喺加拿大都有演過話戲，好好玩所以好有興趣。」
當選後有不少負面報道，張名雅說：「都開始慣喇，初初話我整容但自己又真係冇做過，都覺得解釋唔到咁多，只係想形象正面少少。」她更說希望有機會與林峯合作，問到會否要求演情侶，她說：「會好開心囉，都係睇公司安排，我想演啲比較硬朗嘅角色，剪短頭髮都冇問題，當係換吓形象。」
from:
http://hk.apple.nextmedia ... 130507/18251382
