事後記者聯絡阿澤，他不想再生枝節，怕老婆難做，在電話中說：「冇嘢講，我寫晒出嚟。」阿田則冧爆老公為自己出頭，問可擔心得罪無綫？阿田說：「唔係，佢冇惡意，只係出於錫老婆心態，好正常，佢咁尊重我，係我幸福嘅地方。」問與黃翠如的關係？她說：「唔會諗佢係乜人，我唔擅長去理呢啲嘢，亦冇咁嘅心思，但我哋合作OK，成班人好開心。」
黃翠如（左一）獲力捧，有傳新劇戲份越演越多，女主角田蕊妮（右二）則地位不保。
至於翠如BB當然感到無奈，還自貶身價，強調自己是小配角，她說：「安仔（郭晉安）同阿田係一對，全套劇講公堂，我只係做旁聽，我嘅戲份比好多其他女演員都少，只係小配角。」她大讚阿田好人，雙方沒有心病，她說：「平時出外景，我哋都會上佢架車休息，佢仲成日帶嘢食俾大家。」之後翠如BB再在微博澄清，帶趣反問阿田說：「那個故事作得不好，田大爺（田蕊妮），是嗎？」但阿田至截稿前仍未在微博留言回覆。
from:
http://hk.apple.nextmedia ... 130504/18248438
