千語BB變「望峯石」近日林峯要北上橫店拍內地劇《陸小鳳與花滿樓》，被迫同honey千語BB（吳千語）分隔兩地成兩個月咁耐。雖然橫店話遠唔遠，不過衰在內地華東地區近期爆發H7N9禽流感，搞到人人自危，峯峯亦下令honey唔准上去探班。
男友唔喺身邊，千語BB惟有寄情工作。上星期五（19日），千語BB現身中環一間樓上食店同星級化妝師Rick Chin為now 102台嘅新節目《Chin與千尋》試食意粉。其實媽咪姐一早收到風話峯峯會秘密探班，但等極都冇影！難怪等roll機期間，千語BB一直望住窗發呆，成嚿「望峯石」咁，就算Rick Chin喺隔籬講笑𠱁佢，BB都冇厘反應。到美食當前，19歲嘅峯嫂食到扁晒嘴。
見少陣都咁難捨難離，難怪一個月去3次旅行咁多咯！
千語BB無論望街定食嘢個樣都灰過灰燼，相思真係成災㗎！
唧都唔笑BB！返嚟呵番吓。（設計對白）
林峯前緋聞情人，嘉欣BB就happy得多！笑晒出席詩琳美容活動。梗係，佢身邊有伍允龍嘛！
