吳千語、汪詩詩同汪圓圓兩姊妹、江若琳、連詩雅等，前晚喺中環出席Chloé新店開幕。千語BB着白裙現身，話男友林峯今次冇幫佢揀衫，平日買衫會互相畀意見：「佢鍾意我着淺色，睇落後生啲，佢着唔同類型嘅衫有唔同感覺都OK。」問佢會唔會影合照上載微博？佢話：「唔會喎，除咗一大班人一齊。」咁瞓覺影呢？佢話：「梗係唔會！平時影風景，冇乜影人，風景仲有意思。」明寸林峯舊愛潘霜霜影床照洩密，問有冇睇過潘霜霜喺微博晒新歡相？佢話睇新聞知道，唔評論唔識嘅人。
吳千語、汪詩詩同汪圓圓兩姊妹、江若琳、連詩雅等，前晚喺中環出席Chloé新店開幕。千語BB着白裙現身，話男友林峯今次冇幫佢揀衫，平日買衫會互相畀意見：「佢鍾意我着淺色，睇落後生啲，佢着唔同類型嘅衫有唔同感覺都OK。」問佢會唔會影合照上載微博？佢話：「唔會喎，除咗一大班人一齊。」咁瞓覺影呢？佢話：「梗係唔會！平時影風景，冇乜影人，風景仲有意思。」明寸林峯舊愛潘霜霜影床照洩密，問有冇睇過潘霜霜喺微博晒新歡相？佢話睇新聞知道，唔評論唔識嘅人。
林峯同潘霜霜床照轟動一時，不過𠵱家佢兩個感情生活各自各精采。資料圖片
林峯聽話唔擔心
盛傳熊黛林同郭富城因小三分手，問千語BB點防小三？佢話對林峯有信心，大晒恩愛：「林峯好乖，我講乜佢都聽，我講內地多細菌，唔好亂食嘢同飲酒，佢都聽。冇乜好擔心，成日check住無謂。」
身為熊黛林朋友嘅汪圓圓話任何感情冇咗都可惜，如果熊黛林需要會介紹男士畀佢。「富黛戀」疑似小三嘅苟芸慧去過圓圓生日會，問圓圓同熊黛林定係苟芸慧熟啲？佢話：「冇話邊個好朋友啲。」
至於江若琳話提名金像獎已經當贏咗，多咗人搵佢拍戲，接咗內地劇同電影各一套，佢擔心內地禽流感肆虐而自己煮食：「留到8月，去醫院實景，呼吸感染科度拍，有啲擔心，食多啲維他命C。」連詩雅因陳僖儀離世，心情𠵱然沉重，朝早醒咗睇新聞後喊，未有機會問候沈震軒，遲啲合作拍戲會睇住佢。
from:
http://hk.apple.nextmedia ... 130420/18233979
