溫碧霞、孫佳君、蔚雨芯同楊焉（Carol）等前晚喺尖沙嘴出席新戲《微交少女》煞科宴，46歲嘅溫碧霞82年拍攝電影《靚妹仔》成名，今次佢會扮演靚妹仔嘅阿媽，佢自爆細個好反叛，成日離家出走令父母擔心，𠵱家佢就明白父母當時有幾心痛。
早前佢同養子到峇里旅行，點知返港就收到壞消息，佢91歲嘅母親證實患咗腸癌，提起媽咪時感觸得眼泛淚光，又話：「呢排媽咪食唔到嘢，都幾後期，自己好心痛同難受，見到媽咪有病，又幫唔到佢，不過我唔應該唔開心，唔係我媽咪見到會更加唔開心，我會堅強。」
母親患癌嘅溫碧霞前晚出席《微交少女》煞科宴時嘴扁扁。溫碧霞講起91歲母親患腸癌，佢講講吓仲傷心到喊起嚟。
魔鬼胸撼Carol
同場嘅19歲「魔鬼胸」蔚雨芯以性感低胸裙力抗密實封胸Carol，Carol話主角係蔚雨芯，所以唔想搶風頭。對於有指佢取代離巢嘅賈曉晨（JJ），Carol話：「大家咁講誇獎我，我同JJ唔熟，亦未試過合作。」對於性感搶風頭，蔚雨芯就話：「唔係，我上年係新人，喺度默默耕耘，唔性感冇人影，性感啲就多啲人注意，不過都係睇場合啫。
19歲魔鬼胸蔚雨芯前晚力谷事業線，大搶風頭。孫佳君喺新戲入面演腳底按摩師。
from:
http://hk.apple.nextmedia.com/entertainment/art/20130411/18223616
