溫碧霞贊成新台多選擇

1^# 大中小 young 發表於 2016-3-6 03:55 發短消息

相關主題: 溫碧霞

溫碧霞（Irene）昨日以代言人身份到中環出席一個醫療集團午宴，年屆49歲的Irene仍保養得宜，呼籲女士們培養做運動同玩瑜伽，保持健康。剛剛完成了一套內地劇的Irene更預告：「今年會留喺香港發展，有新嘗試。」問到是否返大台拍劇？Irene大賣關子表示：「到時會知，會畀驚喜大家。」

對於新電視台ViuTV將於4月啟動，Irene大讚是好事，不過言談間亦暗寸大台近年電視水平下降：「我有留意，係好事，內地同台灣都好多電視台，香港少選擇，我都好懷念以前無線，拍到經典劇集同角色。多啲台令大家多競爭，質素可以更好，觀眾可以多個選擇，始終打開電視多數睇無線。」

採訪：卓寶花
攝影：陳志嵐
from:http://hk.apple.nextmedia ... 160301/19510765

廷伸閱讀/相關主題推介:

相關主題:溫碧霞

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-5 17:56 發短消息

溫碧霞王家衛式拍ViuTV

好耐冇拍劇嘅溫碧霞（左），同李靖筠關係似姊妹。

處境劇《三一如三》就嚟開拍，ViuTV搵嚟多年冇喺香港拍劇嘅溫碧霞（Irene），帶領一班演藝界生力軍游學修、楊淇、陳安立同李靖筠演出，噚日喺葵涌舉行開鏡儀式。

今次係Irene自2001年喺大台演出《封神榜》後再喺香港拍劇，新劇暫定40集，Irene話：「好耐冇拍劇，心情興奮，導演手法似拍電影，飛紙仔又每場改戲，好似王家衛電影，劇中我有男友比我年輕，現任男友個樣又同前度好似樣。」

王家衛
資料圖片

陳安立同楊淇亦有份參演。

游學修（右）會飾演一個出櫃嘅餐廳老闆。

游學修出櫃

講到喺ViuTV待遇同無綫相比，Irene話：「唔可以用錢嚟衡量，我真係好鍾意演戲，可以同新人合作係緣份。」劇中佢同李靖筠有唔少對手戲：「佢係我前愛人個女，我前男友係歌手，我係經理人。佢同我一齊，大家關係好close，戲裏戲外似姊妹。」

游學修做一個會出櫃嘅餐廳老闆，佢話：「做過好多次呢啲角色，啲人話我唔似基仔，我最激牀戲都拍過。」仲話今次齣劇會講社會議題，問佢怕唔怕拍啲敏感話題劇，搞到少咗拍電影嘅機會？佢話：「我做唔做ViuTV都冇乜電影拍。」噚日女友蘇麗珊網上晒纖腰靚相，游學修話：「我都唔知佢po出嚟，係我影嘅，仲出賣埋我半裸照。」

撰文：馮仁昭
from:http://hk.apple.nextmedia ... 160705/19681312

TOP

3^# 大中小 young 發表於 2016-8-5 18:11 發短消息

溫碧霞凍齡拍Viu劇集

溫碧霞保養得宜，已50歲的她看來比實齡後生。

凍齡熟女溫碧霞（Irene）芳齡50歲，貌似30，保養得宜，穿上低胸迷你裙依然索爆。Irene十幾年後再拍港劇，今棄大台揀ViuTV，是因為劇本吸引：「其實有同無綫傾過吓，睇過劇本，但好似唔係咁啱囉！我之前喺無綫拍嘅，雖然只有幾部，但我真係好鍾意先會拍，唔再拍係想留啲好嘅memories畀觀眾！」

溫碧霞何時退隱？她說：「總之我唔會係嗰種甘草演員，做多幾年唔會再做，之後我想去外國讀書，我由細到大讀書唔多，細個入行咁多年都冇停過，所以想去外國過啲好簡單嘅生活。」

採訪：勞燕萍
攝影：郭賢興
from:http://hk.apple.nextmedia ... 160707/19684194

TOP

4^# 大中小 young 發表於 2016-8-6 00:13 發短消息

拍ViuTV萬歲溫碧霞買人心

溫碧霞日前通宵拍ViuTV新劇，萬歲請食乳鴿。

溫碧霞（Irene）相隔16年終於再喺香港拍劇，接拍咗ViuTV新劇《三一如三》，喺劇入面扮演一名經理人，邵仲衡係佢舊情人，《三》劇下周一（25號）播出。兩人首次合作，日前喺葵涌拍通宵戲，Irene為咗慰勞大家，特別吩咐司機去沙田買乳鴿萬歲。

（左起）張松枝、魯文杰同邵仲衡喺戲中扮演老牌男子組合。

邵仲衡讚四好

邵仲衡喺劇中飾演當紅歌手，年輕版由麥子樂演出。邵仲衡為咗呢個角色刻意減重10磅，佢日前接受訪問時話：「開工前一星期，我減鹽減油，齋食麥皮。」嗰晚拍通宵戲，邵仲衡見到乳鴿即破戒，大快朵頤，仲大讚Irene有「四好」：「好好人、好好戲、好好嘅對手，請我哋食乳鴿做消夜，好好味。」

Irene就大爆邵仲衡開工時太搞笑，令佢頻頻NG：「佢成日戚眉瞪眼，太誇張令到我忍唔住笑。」Irene話好期待新劇首播，又話台前幕後合作得好開心。

撰文：馮仁昭
from:http://hk.apple.nextmedia ... 160718/19699018

TOP

5^# 大中小 young 發表於 2016-8-6 01:05 發短消息

溫碧霞出海晒比堅尼

49歲人妻溫碧霞（Irene）無論樣貌與身材都保養得宜，近日忙於為ViuTV拍攝新劇《三一如三》的她，忙裏偷閒，坐船出海享受陽光與海灘，昨日她在微博晒出多張比堅尼照，留言愛這個陽光燦爛的日子，擺出多個靚靚甫士的Irene，示範如何曬出天然美，沒有特別的修圖，修長美腿與膚色更是又白又滑，夠晒明艷照人。
from:http://hk.apple.nextmedia ... 160724/19707433

TOP

6^# 大中小 young 發表於 2016-8-6 01:31 發短消息

溫碧霞起學校賀50歲

溫碧霞昨晚在銅鑼灣舉行生日派對，老公陪住見記者。

大後日50歲生日的美魔女溫碧霞（Irene），昨晚在銅鑼灣舉行生日派對，着性感吊帶長裙真空上陣的Irene，由老公陪切蛋糕及許願，她說：「Thank God！我今年50歲，希望仍然可以保持童心同開心，家人健康同開心最緊要。」問到50歲依然保持年輕的秘訣？Irene說：「我有努力做運動，心情要保持開心。」

日前溫碧霞與老公、養子及親友食飯慶祝生日。微博圖片
今日Irene一家三口到峇里開始生日之旅，還請幾位好友同行，問到老公送甚麼禮物？她說：「其實未收到，叫佢唔好送咁多嘢畀我，咁多年名貴嘅禮物收咗好多，奢侈嘅嘢又唔需要，反而今年想再起學校，生日應該做有意義嘅事。」

採訪：王連連
攝影：葉君海
from:http://hk.apple.nextmedia ... 160727/19710810

TOP

7^# 大中小 young 發表於 2016-8-23 23:55 發短消息

溫碧霞生日收70萬名錶

溫碧霞表示在收到的生日禮物中，最深印象是一個六層高的蛋糕。

溫碧霞50歲生日有一連串的慶祝活動，前晚她出席電影《點五步》首映，表示放假回港後便病倒。不過，之前到北京拍廣告時，有一個驚喜派對，生日期間收過一個粉絲送一隻價值70萬的名錶，她說：「唔想粉絲為我花咁多錢，實在太昂貴喇，寧願佢哋去幫一啲有需要嘅小朋友，例如起學校，我會更開心。平時老公都有送啲珠寶畀我，不過有啲戴幾次都唔戴，所以粉絲下次攞去做善事好過。」

記者追問溫碧霞送上名錶的，是不是男粉絲？是否靚仔？她說：「係呀，佢屬於穩重嗰啲。」老公會不會因此呷醋？她笑說：「咁又唔會。」

採訪：張俊銘
攝影：葉君海
from:http://hk.apple.nextmedia ... 160817/19738957

TOP