金像獎頒獎禮如箭在弦，本報今日起一連4日，邀眾候選人剖白心聲，為自己拉票！鄭中基憑《低俗喜劇》先拔頭籌贏得金馬獎最佳男配角，繼而在金像獎單挑「前輩」，兩奪男配角的廖啟智直言「未夠喉」，提名常客林家棟亦渴望一償攞獎心願！
智叔談到拍戲的點滴總是滔滔不絕。鄭中基（左）與杜汶澤今屆同爭男配角。
第32屆香港電影金像獎頒獎禮將於4月13日舉行，男配角之爭不亞於影帝角力！鄭中基（《低俗喜劇》）爆笑抵死、林家棟（《寒戰》）有勇有謀、杜汶澤（《DIVA華麗之後》）卑鄙搶鏡、廖啟智（《消失的子彈》）奸險囂張、萬梓良（《懸紅》）誇得夠癲。5位候選男配角中，除鄭中基，其餘4人也在電視台捱過不短日子。論演技，5位好戲之人難分高下；論往績，曾憑《籠民》及《證人》兩奪最佳男配角的廖啟智秤高一線。入行34年，連網絡大典也以他的相片代表「實力派」演員，智叔不諱言演戲是現實考慮：「都要開飯o架！但演員有樣好處：總會面對唔同新挑戰。」智叔第二度奪得最佳男配角時，曾在台上表示會將獎項放在早逝幼子諾諾的照片旁。事隔多年，愛兒仍然活在智叔心中：「人生總要面對起跌，學戲最終都係學做人，因為演技就係將日常生活呈現鏡頭前。」
不爭做主角
林家棟4年前在《葉問》飾演漢奸備受好評，最終卻敗在智叔手上，今年憑《寒戰》第3度提名金像獎最佳男配角，他直言信心只有50％：「獎，我一定想攞，但信心真係一般。依套戲畀大家睇到仲有好多人想為香港電影出力，比錢同獎更重要。」幾乎與所有影帝級人馬合作過，林家棟自嘲當集郵，對於擔正的渴望，他說：「有刻諗過一定要做主角，但依家我會覺得適合先做。始終電影要符合經濟效益，賣到埠就自然有主角做。」
家棟年尾將監製一部黑色喜劇，有意從電視台發掘新星，並揚言睇好黃智雯。
最佳男配角候選名單
鄭中基《低俗喜劇》
廖啟智《消失的子彈》
林家棟《寒戰》
杜汶澤《DIVA華麗之後》
萬梓良《懸紅》
From:
http://orientaldaily.on.cc/cnt/e ...0409/00282_035.html
