內地爆發H7N9禽流感，病例有增無減，人心惶惶。在橫店拍劇的林峯前晚專程返港到紅館出席佛教音樂會，提到禽流感似有擴散之勢，林峯稱為免染病已率先戒食雞和豬，此外口罩等防護物品更不離身。會否索性不返內地工作？林峯稱：「但𠵱家拍緊呢個劇真係冇計，已經開緊工。」會否不准女友吳千語到橫店探班？林峯直言：「我都叫佢唔好上嚟。」寧忍受相思之苦，可見林峯相當痛錫千語BB。
而千語BB昨日到樂富出席nowTV活動，她和化妝師Rick Chin合作主持節目教扮靚，千語教男士打扮。林峯是否不用再執？她甜笑說：「都靚㗎。」林峯嚴禁探班，千語表示：「係呀，我都叫佢食嘢小心，唔好食內臟，我都幫佢買乾糧。佢好為食，當地又多街邊嘢食，叫佢唔好食。」
吳千語被林峯禁止到橫店探班，以免感染禽流感。
林峯前晚專程回港出席佛教音樂會獻唱。很久沒有在港演出的陳曉東，前晚亦是音樂會表演嘉賓。
Cally男友撐場
另外梁思浩在現場聲稱千語今年會結婚，她回應：「我哋係好認真，佢又好又有愛心，但真係冇計劃咁遠。」
前晚音樂會還有鄺美雲（Cally）演唱，男友林達民陪伴左右，她在台上分享時直言現在很幸福。男友是否專程來支持？Cally甜絲絲說：「唔係，佢都有信仰，佢睇咗星雲法師嘅書嚟減壓，脾氣好咗。」有男友痛錫是否很幸福？Cally稱幸福是自己爭取的，當然有拖拍令她人生更為開心美滿。
久未在台上唱歌的鄺美雲，坦言心情略有緊張。林達民專程現身為女友打氣，認真體貼。
from:
http://hk.apple.nextmedia.com/entertainment/art/20130408/18220196
