明天是鍾嘉欣29歲生日，早前已有粉絲捧着蛋糕為她慶祝，問她正日生日會否與緋聞男友伍允龍一起度過？身在新西蘭為華人新秀歌唱比賽擔任嘉賓的嘉欣BB，昨日接受長途電話訪問說：「簡單同朋友食飯慶祝，希望身邊愛嘅人都身體健康，事事順利，我仲要快啲學識揸車。」
早前嘉欣BB放長假返加拿大探家人，她說：「回顧同家人細個去過嘅地方，陪媽咪行街，睇吓家姐嘅新屋同新買嘅狗仔，係返去咁多次最開心嘅一次。」她還學習做賢內助跟媽咪學烹飪，問父母有沒有催婚？她說：「冇畀壓力我，唔係好傳統嗰啲。」是否要攞視后才結婚？她說：「想結時就會結婚，攞到視后當然開心，希望遇到好嘅劇本，向視后目標繼續努力。」嘉欣BB更會於8月23日於九展開首個迷你音樂會。
鍾嘉欣早前返加拿大充電，迎接未來拍劇、開演唱會的忙碌工作。
嘉欣BB對感情事十分低調，雖沒承認與伍允龍拍拖，但卻是公開的秘密。明天是鍾嘉欣29歲生日，她希望盡快考到車牌。
from:
http://hk.apple.nextmedia.com/entertainment/art/20130408/18220186
