《第三十二屆香港電影金像獎》即將舉行，今屆的男女主角候選名單中，粒粒都是重量級巨星，@Party賽前做了一個「心目中最愛男女主角選舉」，周麗淇感情分首選梁家輝，姚書軼最冧梁朝偉面上的苦紋，認為夠晒男人味，各有心水。
周麗淇
《FANCL內外美白White Angels》
周麗淇：「男主角我揀梁家輝，因為我好鍾意佢，所以有感情分。佢係個好出色嘅演員，個人又nice。女主角我揀周迅，一來佢有兩部戲入圍，加上佢嘅演技好好，做乜都似。」
《手錶預展》
姚書軼：「最鍾意一定係梁朝偉！無論佢做成點都好鍾意，尤其鍾意佢面上嘅苦紋，好有男人味。女主角就揀楊千嬅，幾鍾意佢大笑姑婆性格，乜都冇所謂。我有睇《春嬌與志明》，我覺得觀眾睇完部戲隔好耐都留有深刻印象，就係一部成功嘅電影。」
《東華三院聯歡晚宴》
陳嘉桓：「男主角我覺得張家輝做得好好，女主角我就覺得係楊千嬅，好能夠令人產生共鳴，『春嬌』個角色做得好傳神。」
《時裝活動》
鄧九雲（舞台劇演員）：「其實所有提名的電影我都沒看過，不過，男主角我選張家輝，他拍很多杜琪峯的電影，我很喜歡。女主角是周迅，她剛出道拍的《像霧像雨又像風》我已經很喜歡她了。」
《時裝派對》
劉晨芝：「我揀周迅，我睇過佢好多戲，每個角色都好神似，捉摸到個角色。男主角就揀梁朝偉，因為鍾意佢，佢不嬲公認好戲，我唔係話杜汶澤唔好，但金像獎演員應該要有分量。」
莊思敏：「梁家輝！好鍾意佢喺《寒戰》裏面個角色，佢平時演戲我都好鍾意，佢成日揀難演嘅角色，演戲不嬲有深度。女主角就周迅，我自己鍾意周迅，但身為香港人就揀番楊千嬅，支持香港人同支持本地演員，近年千嬅嘅演技進步好多。」
《莎莎國際35周年慶祝酒會》
名媛戴凱欣（四洲太子女）：「我揀梁朝偉，鍾意佢嘅戲，覺得佢好演技，女主角就揀周迅，咁啱我有睇《聽風者》，好鍾意，佢有性格，拍戲又好有深度。」
From:
http://orientaldaily.on.cc/cnt/e ...0407/00282_075.html
