古天樂之前在電影《門徒》中扮演六親不認的道友，今趟在《毒戰》飾演的毒販，為求活命不但出賣契爺和朋友，連犧牲老婆也在所不計。為避開內地對毒販施以的死刑，他不斷藉出賣線索給公安孫紅雷而博甩身。古仔大爆劇組曾要求直擊拘捕毒販的過程被拒，又指拍打毒針戲份時，自己彷彿真正面對死亡。
古仔繼在電影《門徒》中飾演「毒蟲」，今次在《毒戰》中再演為求生存不擇手段的毒販。古仔結尾時被判打毒針死刑的一幕極度震撼。
角色似曱甴
古仔日前說：「《門徒》個角色都叫有啲人性，雖然係吸毒，但佢都係受害者。其實販毒先係最大禍害，唔拍都唔知毒品影響咁大，公安畀咗好多資料，好似運毒嘅細節、毒販嘅術語同小動作，戲入面都有呈現。」他續說：「我哋想跟佢哋辦案，最後當然冇可能，另外好似吸毒過程都要避重就輕嚟拍，因為始終唔係正面訊息。」
除了場面細節，古仔的演繹也比以往深入，他說：「呢個人為生存不擇手段，好似隻曱甴咁，好在唔係喺香港拍，如果邊拍又接觸到屋企人，我可能會癲。」他指角色黑暗，自己可盡情發揮，但最後一場戲竟有面對死亡的感覺，他說：「最後一場打毒針嘅戲，真係令我有面臨死亡嘅感覺，好少人真正拍過打毒針場面，而劇組安排喺最後一日拍，所以腦內有晒全套戲嘅畫面，好感覺到呢個角色到死一刻都冇悔改。」
from:
http://hk.apple.nextmedia.com/entertainment/art/20130406/18217941
