羅霖去年10月宣佈已與劉坤銘分居，不過日前劉坤銘接受訪問時，埋怨羅霖事前沒有與他商量，前晚羅霖出席美容頒獎禮時即暗寸劉坤銘講大話及不負責任，又語帶雙關指日久見人心，並力撐自己從未攞過劉家一毫子，更暗示婚姻破裂與劉家不喜歡娛樂圈女仔有關。
現年47歲的羅霖前晚到黃埔出席美容協會頒獎禮，她與吳綺莉等獲頒美麗人生獎。羅霖去年10月宣佈已與劉坤銘分居，但劉坤銘日前就埋怨羅霖公佈分居前沒有與他商量，羅霖前晚直言很開心有機會給她發言。
羅霖昨日透露前夫家人一向不愛娛樂圈女仔，自己也不會取劉家一毫子。劉坤銘被羅霖指暫時未能放下，不能做回朋友。
「冇攞一毫子」
羅霖指去年宣佈分居時仍與劉坤銘一齊住，當時有父母、家姐、姐夫做證，她強調劉坤銘是知道的，她才公開：「可能隔咗年幾時間，佢遺忘咗，不過唔緊要我提番佢，好多嘢覺得事實可以證明一切，日久見人心。成日覺得兩個人分開唔應該當對方係仇人，覺得係小朋友嘅父母，除咗一齊面對小朋友外，亦要處理分開嘅關係，要好似朋友咁，但佢角度好似做唔到。」
訪問期間有公關想請羅霖入內，但她繼續暢所欲言：「噚日有報道話我嫁入豪門，到呢刻為止，我冇攞過佢劉家一毫子，𠵱家律師樓辦緊手續嘅嘢，我都唔會攞佢任何錢。我本身唔係大富大貴出身，打回原形冇問題，有人話我分居後返媽咪屋企住，如果係負責任嘅男人，係唔係應該租個地方畀我住呢？」
吳綺莉（左）忙於電台工作，無暇陪囡囡度復活節假。
細仔跟自己
至於與劉坤銘所生的三位小朋友，現時是共同撫養，頭兩名兒子跟爸爸，最細兒子就跟羅霖，之後公關再度想拉羅霖離開，但羅霖欲罷不能繼續說：「再講多樣嘢，劉家一向都唔鍾意娛樂圈女仔，之前係冇影響我哋感情，但後期就有。」
此外，之前跟羅霖交惡的黎燕珊，昨日在藍田作探訪，對於羅霖單身後自稱有追求者，她說：「希望佢生活愉快，祝福佢。」同是單親的她又勸勉時下女性要自強不息，她都是靠自己撫養子女，羅霖要好好學習。
from:
http://hk.apple.nextmedia ... 130328/18209543
