高皓正日前喺facebook發表「自瀆論」，引起網上連串討論，佢接受訪問時好坦白咁承認自己曾經要一日自瀆幾次，果然身體好喎。
被網友戲稱為「高主教」的高皓正上周於facebook勸人不要自瀆而引起網上熱爆討論，他日前更宣稱為女藝人驅魔，身為基督徒的他昨日接受本報專訪時表示曾一日自瀆幾次，又指不可能一星期不自瀆，甚至認為自己曾患上性沉溺。
高皓正曾經日頭睇聖經，夜晚就去睇鹹網，所以他認為色情影像是罪魁禍首。
記：記者高：高皓正
記：有冇諗過會引起咁大迴響？
高：冇諗過，其實婚前性行為同自瀆呢啲問題我講咗10年。我喺中大第一屆性別研究系畢業，當時要讀性學，之後去過好多學校同機構做講座。
記：抨擊你嘅人好似多過同意你？
高：其實我都收到好多好多睇唔晒嘅留言，有啲話：「你幫我戒咗啲困擾我嘅習慣，幫咗我同女朋友嘅關係，你嘅言論令我有解決方法。」其實我唔係expect要全世界認同。
高皓正於2010年與醫生陸凱兒結婚，去年誕下女兒高純意。資料圖片
一日幾次
記：卓韻芝話你奉主之名公然自瀆？
高：開心佢以一個女性角度講男性自瀆，但係我最初目的都係保護女性，因為男仔有呢個習慣對女仔係好唔尊重，如果冇咗呢啲習慣之後，睇女仔就會pure好多，唔會淨係想用佢哋嚟滿足慾望。
記：係咪認為心理或者生理上都唔應該自瀆？
高：如果將兩樣嘢mix埋，需要會好大，因為生理上會有慣性。但係要求以前嘅我唔自瀆一個禮拜係冇可能囉，可以叫做性沉溺。
記：你曾經話自己中過毒，當時情況係點？
高：日頭睇聖經，夜晚就睇鹹網，可以係一日幾次咁樣，不斷都唔滿足囉，我仲同人講我信耶穌，我覺得自己好辛苦。又試過俾同學撞破，覺得好難堪好羞恥。當時其實我有性伴侶，發現原來唔係滿足得晒，當睇色情影像，會覺得太刺激，有啲係變態嘅，有啲好多人，跳過咗好多浪漫嘅嘢，對性好多扭曲。結果我身體唔滿足，心理又唔滿足。
記：係咪認為自瀆唔啱？
高：我經驗係如果自瀆配合網上色情會有更多渴求，好多研究報告指出性暴力係有網路沉溺之後發生，好多少年罪犯或者性罪犯都有網路沉溺嘅習慣，所以發洩晒喺虛擬世界。
記：近排幫藝人朋友驅魔？
高：其實唔使驚，搵啱方法的話，好似我哋有信仰，就可以奉耶穌之名去趕走佢。
from:
http://hk.apple.nextmedia ... 130328/18209585
