林峯和吳千語BB打得火熱，早前一個月內連去三次旅行，前晚林峯到廣州出席「勁歌王」頒獎禮，提到容祖兒指他如沐春風時，林峯即甜絲絲地說：「邊有？乜呀？見到祖兒，同佢都friend，私底下啱傾，所以講吓，唔好成日提啦。」記者打趣表示他讚祖兒靚咗會令BB呷醋，他即強調不怕，更自爆成日讚BB，笑言兩人好sweet，亦想與女友再去旅行。
有ＢＢ就好足夠的林峯，現時提起女友吳千語時即冧爆。吳千語自爆日前與男友共度浪漫白色情人節，認真sweet爆。
而吳千語昨日到銅鑼灣出席復活節活動，她在復活蛋上畫上唇印和心形，記者笑指她已將心送給男友林峯，她甜笑說：「呢啲唔使講出口。」她透露白色情人節，與男友食飯慶祝兼送卡，又收到對方送的衣服，但稍後他們將分開三個多月，她說：「佢喺橫店拍戲90幾日，不過中間會返嚟香港。」千語自爆與男友一日幾電，又不擔心他在內地曳曳，直言對男友有信心，不過會叮囑他不要飲酒，她說：「大陸多假酒，對身體唔好。」
from:
http://hk.apple.nextmedia.com/entertainment/art/20130319/18199684
