林峯同吳千語，1個月內3度外遊，19日內遊遍東京、沖繩、米蘭，仲俾人影到喺機艙啜爆，真係好煙韌，仲有傳林峯送贈AE黑咭冧BB添！
林峯返港出席活動仍然春風滿面，但千語BB就疲態盡現，多咗好多job嘅BB，上週二（5日）出席護膚品牌活動時，除咗面青青外，對腳仲離奇多咗瘀痕，要用粉底遮住，搞到對小腿一笪笪，腳甲又黄晒？究竟玩咩玩到咁傷身呀？
千語BB雖然keep得麻麻，但勝在只得19歲，青春無敵，應該仲有排玩。
幸福雙下巴
除咗shopping，林峯應該帶吳千語食唔少好嘢，睇吓BB個雙下巴出晒嚟喇！
爛腳黄金甲
千語BB對小腿好多疤痕一笪笪，要用粉底遮，高登仔收唔收貨好呢？
玩完返香港，林峯即刻出席活動，冇殘樣，仲好鬼精靈chok住講戀情，「呢個係一個好sweet嘅旅程，我行過去幫佢冚被（指在機艙），一個goodnight kiss同問佢食唔食嘢，係好正常嘅行為……」
