都話家家有本難唸的經！上周四（7日）四房長女何超盈鼻有粉末，暈住行銅鑼灣，全城哄動。一房有事，其他三房都成為追訪目標！好似三房索女何超蓮咁，連日都俾記者追問對超盈迷幻街頭有乜意見，搞到平日笑對鏡頭嘅佢，都驚咗記者。
早幾日，超蓮從三太大宅出車時，一發現人影佢，即時啤到行，好煩惱吓！咁又係，各房姊妹中，佢算係同超盈最friend嘅一個，點會唔擔心吖。
啱啱瞓醒嘅超蓮，將車窗當鏡，猛咁照。菲傭就幫佢揹住Chanel袋等司機。
不過拍完之後，俾成班記者追住問回應，超蓮猛同公關（右）傾偈，唔肯答半句。
中環避走
上周五（8日）超蓮喺中環街頭為二房家姐何超瓊嘅公關公司25周年拍宣傳相，set鬈髮加紅唇，鬼火咁靚！
