近日林峯同BB吳千語愛得鬼咁癡纏，媽咪姐都戥佢哋開心。雖然有指BB係情場老手，好識得冧仔，但男人呢種生物，係要管嘅！尤其林峯咁筍，情史自然唔少。由初出道嘅李彩華、鍾嘉欣，後來嘅楊怡、佘詩曼，仲有近期嘅潘霜霜、陳嘉桓……單係圈入面已經咁多緋聞情人，非圈中人、非公開嘅可想而知有幾多！
2006年3月第555期《忽周》，就影到林峯跟內地女助手過從甚密，兩人喺片場形影不離，一齊食一齊用一對手套，女助手更不時喺林峯房自出自入，甚至喺房中短敍。你話有冇景轟呢？真係不得而知嘞！不過同為女人嘅媽咪姐就奉勸BB小心啲，睇緊啲，唔好俾啲邪花接近林峯！
檔案編號第555期
日期：17/03/2006
雨中漫步
助手美美擔遮遮住林峯，但隻手不經意攬實對方。助手咋喎，唔使咁親密吖！
有講有笑
美美對林峯照顧得無微不至，林峯亦發揮冧女本色，經常講笑逗得美美冧笑。
匿埋撐枱腳
放飯時間，林峯撇下其他演員，寧願跟美美撐枱腳。
BB，我會乖㗎啦！（設計對白）
係至好講。（設計對白）
