早有何超儀憑電影《豪情》中的趙啷啷奪得金像獎最佳女配角，今屆再有陳靜（DaDa）以出位的爆炸糖一角，成為女配角候選人大熱。兩個角色不約而同以「口」取勝，低俗未必是賈選凝所講的guilt-free pleasure（無罪快感），亦未必要將大眾娛樂，上綱上線跟文化活動看齊。DaDa從未介意被指低俗，就是因為多得導演彭浩翔及主角杜汶澤的鹹濕及低俗，成就了她戲中的角色。
陳靜（DaDa）由𡃁模拍廣告、影寫真到踏足娛樂圈，三年間已在芸芸𡃁模中突圍而出，電影《低俗喜劇》中爆炸糖一角，一爆而成為今屆香港電影金像獎頒獎禮的最佳女配角大熱。原本一場電影競賽，多得賈選凝的批評，令事件受到大眾關注，DaDa說：「有睇過賈小姐嘅文章，娛樂同政治係兩樣嘢，唔應該攞埋一齊講，我知彭導演拍呢部戲，純粹想拍部片畀香港人笑吓，𠵱家涉及到借低俗嚟賣座，不過都係好事，至少有人講。」DaDa自言從小看港產片，可能是文化差異，令大家有意見分歧，她說：「我覺得賈小姐分析同寫嗰篇文章唔係錯，每人都有自己意見，我贊成阿澤講，唔關個女仔事，係關頒嗰個人事。」
DaDa入圍最佳女配角，當務之急是積極減肥。DaDa演繹《低俗喜劇》爆炸糖一角，演技獲兩大電影頒獎禮肯定。
預備謝詞
DaDa憑《低俗喜劇》中爆炸糖角色出位，事實是她在拍攝前完全不知角色講甚麼，亦不知道是三級電影，她只告訴導演彭浩翔自己的底線，意外收穫是自台灣金馬獎入圍角逐後，再在香港電影金像獎獲提名最佳女配角，DaDa說：「好開心，之前提名金馬已經好似發夢，金像獎更加冇諗過參與。」DaDa以「好緊張」來形容當下心情：「搵緊衫同鞋，𠵱家要積極減肥。」不過她卻打定輸數，DaDa說：「我會預備定台詞，不過到時應該用唔着，呢排好多幕後人恭喜我，叫我加油，對我嚟講有冇獎已好開心。」
今年DaDa的對手有邵音音及金燕玲等老戲骨，反而DaDa被視為大熱：「音音姐先係大熱，佢攞咗兩次，唔敢同佢爭，佢亦講明唔好同佢爭，當然最好票數同分一齊攞啦！」DaDa坦言已看過對手的作品：「幾鍾意范曉萱，金燕玲亦做得好好，私人感情梗係睇好音音姐。」
DaDa入行後拍過的電影五隻手指都數完，能攀升女配角提名，要多謝兩位鹹濕的伯樂彭浩翔及杜汶澤，她說：「好多謝導演賞識，我亦好感激杜汶澤，佢哋係我工作最重要嘅兩個男人，冇佢哋唔會有提名，同之後嘅工作。佢哋私下好百厭，成日整蠱我，訓練我EQ，佢哋轉數太快又話中有話，令我學到好多嘢。」
DaDa與彭浩翔及阿澤合作後成為好朋友，她說：「導演靚仔又有才華，係導演成日逼我講，事實佢係有才華，對人好親切和善、冇架子，仲係一個有要求嘅人。」至於導演的缺點，DaDa謂不敢亂講：「都係優點多過缺點，唯一咪係鹹濕同講嘢無厘正經，都有言語上輕薄我。」
去年12月隨大隊踏上台灣金馬獎紅地毯，DaDa坦言入圍完全是意外收穫。
被阿澤玩
成日整古作怪的阿澤，是DaDa更感激的人：「阿澤成日幫我，拍戲時導演鬧我，佢會保護我令我放鬆，真係好感動。佢份人幽默又有風度，雖然成日攞我嚟玩，但其實係幫緊我，窒我係教緊我。缺點都係鹹濕囉，佢哋自己都認㗎，其實呢樣亦係優點，佢哋將呢件事發揮喺電影度，發揮得淋漓盡致，我好多男仔朋友都好鍾意佢哋，覺得佢哋係神呀！」
周秀娜錫身封胸，成功轉型殺入影壇，與娜姐的步伐有點相似的DaDa卻說：「我同佢行法唔同，陳靜得一個，周秀娜亦得一個，我欣賞呢個女仔同埋佢嘅工作態度，但我唔鍾意同人比較。」阿澤早前笑DaDa開始錫身，她直認不諱說：「都係嘅，我想做多啲唔同類型角色，唔想局限咗性感，唔係話要封胸，都怕大家睇厭同睇悶。」DaDa稱早前推出第二本寫真時，已說過是最後一本，短期內都不會再出，更說就算有李安的班底、梁朝偉這位對手，她都不會接拍湯唯在《色，戒》的角色，她說：「因為已超出咗我嘅底線，唔可以越退越後，亦係我同家人嘅承諾。」
此外，憑爆炸糖闖出名堂的DaDa前日出席大阪亞洲電影節時，接受日本報章訪問，談到角逐香港電影金像獎最佳女配角時，她說：「我覺得這是挑戰自己的成果。」DaDa亦很識做向高抄她的日本攝影師大騷性感身材，換來「香港性感女優」的稱呼。
第三十二屆香港電影金像獎最佳女配角入圍名單
邵音音
《低俗喜劇》
from:
http://hk.apple.nextmedia ... 130317/18197808
