鍾嘉欣信男友伍允龍冇通街小解

鍾嘉欣噚日著咗條橙色連身短褲迎夏日，艷光四射，提到佢嘅緋聞男友伍允龍被指通街屙尿，嘉欣BB竟然話對方垂低手只為祈禱，身邊黃宗澤都忍唔住笑。

鍾嘉欣、黃宗澤及苟芸慧昨日在油塘出席大食代開幕，嘉欣剛赴美國、加拿大探親返港，見到家姐、哥哥一雙一對都很尷尬，問她有否與男友伍允龍同行？她表示沒有，又說家人住得遠，故沒見過家長。提到有指伍允龍通街屙尿，嘉欣即驚訝說：「點會？一定唔會，儍嘅咩，唔會周街屙尿。」她力撐對方放底雙手是祈禱。站在旁邊的黃宗澤聽到也忍不住偷笑。

黃宗澤（中）認真好艷福，坐喺女神苟芸慧（右）身邊，仲有嘉欣餵食嘢。

黃宗澤近日與傳緋聞的內地藝人戚薇一起在上海宣傳，被指宣傳後去飲咖啡及同回酒店房密會，黃宗澤即說緋聞不是真，他說：「我都唔係住嗰間酒店，嗰日係一大班人去飲咖啡。」他稱知道大家關心其感情生活，又叫大家放過他，笑言緋聞留給馬國明。苟芸慧慶幸近日沒有緋聞，希望大家留意其工作，見她肥了少許，她稱會慢慢減，線條靚最重要。
from:http://hk.apple.nextmedia ... 130317/18197816

鍾嘉欣之前一直不願公開提男友伍允龍，不過昨日出奇地對有關對方的問題都有問必答，承認對方身份。說到男友被影到通街小便，她更力撐對方只是祈禱。

苟芸慧坦言喜歡曲線身形，不會刻意減肥。鍾嘉欣相當維護男友伍允龍，撐他不會隨街小便。

鍾嘉欣（Linda）、黃宗澤（Bosco）、苟芸慧昨日出席連鎖食品店開幕活動，期間，Linda、Bosco的緋聞都被拿來作話題，不過之前對男友伍允龍都不欲多提的Linda今次反而相當大方，更承認對方身份，反而Bosco被問起緋聞時就相當抗拒，更叫大家高抬貴手放過他。

冇諗見家長
剛放完大假的Linda表示剛與家姐、哥哥於美加旅行返港，更指他們都分別帶了女友及男友同往，問她為何不叫埋男友伍允龍一起去時，她想了一會謂︰「我不嬲都鍾意一個人去，（人哋都一雙一對喎！）我又冇諗過帶佢去，（有冇帶伍允龍見家長？）冇喎！（點解？）唔知呀！我個人好慢熱，做乜都慢慢嚟，唔使急。」說到之前伍允龍被《好報》影到通街小便，Linda聞言即笑個不停，更力撐男友謂︰「冇可能，佢唔會做呢啲嘢，唔會隨街小便嘅！我知嗰陣吳建豪喺佢隔籬，吳建豪係虔誠基督徒，佢哋喺埋一齊就祈禱，一定係祈禱。」

早前伍允龍（左）與吳建豪孖住飲嘢，之後更被懷疑通街小便。鍾嘉欣及黃宗澤齊齊被問及緋聞。

唔需要談情
此時，在旁的Bosco暗笑，結果亦慘被記者問及緋聞，之前被影到與內地演員戚薇一起，更指二人酒店相聚四小時，對此Bosco謂︰「我哋活動後去飲嘢，成圍枱人咁多，我都唔係同佢一間酒店，點相聚四個鐘？緋聞唔好信，全部都係假。」他又坦言現時不想談感情。說到馬國明笑指有緋聞好，多些工作，他即謂︰「咁畀晒佢，我呢個時候唔需要緋聞。」

而苟芸慧坦言不想大家因緋聞而認識她，說到她肥了，她坦言︰「少少啦！但我唔會減好多，女人太瘦唔好睇，有啲曲線好睇啲。」
from:http://orientaldaily.on.c ... /00282_024.html