無綫倉底劇《女警愛作戰》首播。呢套劇之前是非多多，喺大陸網站免費任睇之餘，女主角周麗淇（Niki）拍劇嗰陣，傳佢屈人偷銀包，搞到演員要逐個搜身，又話佢同該劇女演員感情麻麻，食飯都要匿喺一邊食做獨家村。真係劇未上，已經娛樂滿分！
近年TVB劇終於識得貼近群眾，今次叫王君馨谷行Y字胸扮「黃金俠」，明抄前年用財爺派嗰6千蚊救濟窮人嘅「紫荊俠」。不過，梗係處女馨索啲young啲啦！
一睇就知，你前後都唔夠我鬥啦！（設計對白）
唓，我少你幾両肉啫！（設計對白）
《女警》入面是非最多嘅，肯定係女主角Niki；不過劇情方面，論搶鏡就肯定係集集拋波嘅處女馨（王君馨）。劇情講做女警嘅佢，本身係富家女，喺第14集中，為咗救濟窮人，化身做「黃金俠」喺街度派錢。雖然明抄「紫荊俠」，不過處女馨着住件金色戰衣喺街度走嚟走去，心口呢！就隨住節奏上下跌宕，咁慷慨，真係引鬼死人囉！
女警鬥露
要抄就要抄足！處女馨真係學晒「紫荊俠」，向每位貧困長者派$100現金?。
第14集剝褲如廁
除咗拋波，呢集仲會講王君馨喺公廁大解，點知手扣跌落廁所，鏡頭有除鈕剝褲，重口味到暈！
第2集Niki露虛綫
扮剩女嘅Niki，喺劇集初段同扮記者嘅謝天華結怨，被迫做影相model，仲俾Laughing哥成桶水照頭淋，但依然見唔到事業線，最多……得虛線咋！
第6集黃智雯騷少少
喺《女警》做督察嘅黃智雯，雖然集集板起塊面鬧人，不過第6集，都有着一件頭泳衣見人。係就係密實咗啲，好過冇啦！
謝天華扮鴨最強
第4集
《女警》必睇位，一定係飾演記者嘅謝天華，為攞料去應徵做鴨，撞正放蛇女警周麗淇、王君馨同呂慧儀等人。嘩！睇場面都夠爆笑！
喺鴨店慘被「施暴」露晒肉嘅謝天華，先俾飾演女警嘅豬扒港姐張嘉兒（左）嫌老，再俾媽媽生話佢唔靚仔，慘慘慘！
周麗淇俾飾演鴨仔嘅大集仔溫家偉玩震波撩出街，Woo，吳剛師傅後繼有人呀！但啱啱甩拖嘅Niki似乎唔好肌肉喎。
做完鴨，謝天華仲要做水魚！佢之前追李壁琦失敗，但後來女方俾仔飛又有咗，就灌醉Laughing哥，局佢做便宜老竇。搞到啱啱同Niki拍拖嘅謝天華頭都痕！
第20集 姚子羚扮癲突圍
成套《女警》其實可以分成幾個單元，姚子羚喺其中一單case入面飾演一個勁憎差人嘅傻婆，仲捉咗周麗淇！但佢又放火又跳樓都整唔死Niki。梗係，女主角嚟?！
