承認同志身份的林一峰前晚完成兩場演唱會，舞台佈景板是櫃桶，他由櫃中行出來，寓意自己大膽出櫃。林一峰除唱歌和表演樂器，更自嘲身材矮，他指曾在廁所遇見高自己成呎的林峯小解，對方主動打招呼，但若林峯再轉身則名副其實「let's get wet」。
林一峰一連兩晚在灣仔伊館舉行紀念出道10年演唱會，前晚演出尾場，全場爆滿，黃耀明、盧凱彤、梁詠琪（GiGi）、少爺占及藍奕邦等捧場。台上佈景板是櫃桶，林一峰由櫃桶下的門走出來，寓意他大膽出櫃承認是同志，不過林一峰形容佈景板上的是記憶箱，載滿10年的記憶。
林一峰前晚個唱舞台以櫃桶做背景，寓意他大膽出櫃認同志。林一峰自爆在廁所遇見高他一截的林峯（圖），更笑言險被「let's get wet」。
「佢企喺度辦緊事」
演唱會上，林一峰大玩結他、長笛、口琴及鋼琴，他又自嘲身材矮：「之前去新西蘭去咗拍《魔戒》地方，我可以扮哈比人。」林一峰又討論社會時事，他說：「有朋友叫我幫手唔好俾天星小輪執笠，我亦想香港人唔好食魚翅，唔好將維多利亞港變維多利亞河，同埋西隧減價。」10年來，林一峰創作不少歌曲給其他歌手，他笑言：「唱咗我啲歌就有喜，好似羅敏莊有BB，希望GiGi下首有喜。」
林一峰亦提及近日蜜運中的林峯，他說：「朋友話想我拍劇，我話嗰個係林峯，我同佢差成呎。有次我喺廁所見到佢，佢企喺度辦緊事，但仍側身同我say hi，如果佢再轉多啲身就真係let's get wet！」林一峰完騷後接受訪問，他表示完成個唱後，在巡迴前想一個人去旅行，而其同性密友已看了頭場，前晚未有再來。
另外，林峯在新戲《忠烈楊家將》中飾演楊五郎，他與四郎李晨最多對手戲，林峯亦要吊威吔拍攝，相當辛苦。
from:
http://hk.apple.nextmedia.com/entertainment/art/20130312/18192008
