林一峰和妹妹林二汶前晚於紅館舉行一場「一峰二汶好天氣演唱會」，二人的父母、黃耀明、黃宗澤、吳雨霏和黃偉文等捧場。林一峰向少爺占致謝，並笑說：「我要多謝一個認識十幾年嘅人，我仲未做歌手時已同佢一齊做音樂，呢位就係少爺占，佢結婚嘅傳聞係假嘅，因為我未應承佢。」
一峰自爆99年被飛的經歷，他說：「99年除夕有人同我講分手，我好唔開心，當時行過紅館對出條天橋，二汶都喺我身邊，我仲借咗佢隻手攬咗一晚，好有肉感，嗰種暖意不能言喻。我攬住佢一晚，先冇跳落去，幸好當時有二汶喺度。」在旁的二汶即說：「我唔知你係想去死，嗰時係我肚餓嘅求生警號幫咗你。」之後一峰唱出《曾經有你因此有我》時感觸流淚，二汶見狀說：「我終於近距離見到阿哥嘅眼淚，其實我最應該出攬枕，我咁好攬。」
事後一峰接受訪問時被問到想跳橋一事，他說：「啲衰嘢唔記得啦，希望快啲搵到最後一個。」當記者追問其對象是男或女，他說：「最蝕係俾個唔靚仔嘅飛，衰都衰喺啲靚嘅手上。」
採訪：王連連
