鄧紫棋G.E.M.個唱低胸Deep到肚臍

近日是非多多嘅鄧紫棋（G.E.M.）將於下月12至16日喺紅館開演唱會，前晚佢喺灣仔搞個唱記者會，新城司儀Ben形容佢係新天后G.E.M.姐，佢公司就送咗個閃石結他賀個唱成功。

G.E.M.獲唱片公司送上閃石結他賀佢下月嘅演唱會成功。是非多多嘅G.E.M.被稱為G.E.M.姐，嚇得佢即謙虛話只係G.E.M.妹啫。

自嘲不敵甄妮

好謙咁話：「我係G.E.M.妹，我個人好casual，係有啲誤會，我好易溝通，係溝通上出咗問題，自己都有喺微博做解釋，唔好令人誤會。」G.E.M.話今次個唱開五場，比上次多咗兩場，因為之前演唱會唱到第三場佢已被監製話high過籠，所以佢都驚今次太興奮。

G.E.M.亦想喺個唱畀surprise觀眾，會處女下海公開彈結他，被問到男友林宥嘉可有欣賞佢嘅結他造詣？G.E.M.就話冇，又話好聽公司話，所以話唔到事請唔請林宥嘉做嘉賓。歌衫方面，佢自爆已睇咗草圖，有一套係deep到肚臍，佢驚青話：「好擔心如果係跳舞着，點黐膠紙都黐唔到咁多囉！」馮仁昭話甄妮之前都係勁deep V獻唱，G.E.M.話自己未到佢級數。
from:http://hk.apple.nextmedia ... 130302/18181540

近日是非纏身的鄧紫棋（G.E.M.）下月再踏紅館開騷，她昨日出席記招時，預告其中一件歌衫是大Deep V：「個V開到落肚臍。」但她事後又說只看過草圖，故仍有變數。

G.E.M.希望在巡唱時抽空進修。G.E.M.自言年紀小，未有資格被叫「阿姐」。

G.E.M.將於下月在紅館舉行一連五場「G.E.M.X.X.X.Live紅館演唱會」，昨日她出席記招，獲司儀以新天后及「G.E.M.姐」來介紹她出場，她即耍手擰頭說：「唔好咁講，叫到我老晒！」之後她又公布香港為世界巡迴的首站演出，其後會走遍亞洲和歐美等地，共演出廿一站。席間獲經理人及唱片監製送上古董相機和電結他，預祝她演出成功。

否認耍大牌
G.E.M.表示早於半年前已開始籌備演唱會，早前亦看過演出服裝的草圖，她說：「其中一件大Deep V衫，個V開到落肚臍，而且套衫係跳舞環節着嘅，擔心着唔到。」不過她補充只看過草圖，仍未試衫，故存在一定變數。她又稱有意在每場邀請一位不同地區的歌手任嘉賓，問到會否考慮邀請緋聞男友林宥嘉？她說：「我唔知呀，等公司決定啦！我好聽公司話。」記者笑她貴為「G.E.M.姐」應該有決定權，她笑稱：「我係G.E.M.妹。」

眾人開香檳預祝演唱會成功。G.E.M.之前在紅館開騷俯身獻唱已有睇頭。

對於日前被指出席頒獎禮時耍大牌，G.E.M.解釋是工作人員在溝通上出誤會，了解事件後已在微博澄清。另外，早前她為代言的化妝品拍攝新一輯電視廣告，她自爆經常花時間研究各類化妝品的Mix & Match。
from:http://orientaldaily.on.c ... /00282_024.html