上個禮拜三（二十日），放咗三個星期長假嘅Eason陳奕迅復工，出席護膚品牌舉辦嘅慈善活動。過年食得多，Eason明顯肥咗成個碼，「肥唔肥唔重要，我都係咁受歡迎。」Eason之後再攞老婆開玩笑，話佢花名叫「肯雅徐」，覺得如果自己瘦到似劉華，反而會好悶。
肥到頸又冇腰又圓，Eason，減肥啦！呢個黑超look，肥到好似PSY。
一向好玩得嘅Eason轉過頭行去做電子傳媒訪問，見到班幕後cam man，即刻不吐不快：「肥冇罪㗎，stupid，肥唔使做人呀，我本來想開開心心派利是俾你哋，係班記者問埋啲stupid問題，而家仲好，慳番！」
嘩，使唔使呀！崩口人忌崩口碗，原來是對的！
