歌手張繼聰最近人氣急升，向來與太太謝安琪鮮有公開作親密表現的他，前晚趁慈善籃球比賽，高調搭住太太膊頭合照晒恩愛，有指謝安琪當眾「喝」他，但張繼聰否認此事。而獲太太撐場的他更即場賣口乖說：「希望唔會失禮佢啦！」
Mr.眾成員在比賽前大呻緊張。張繼聰獲老婆謝安琪撐場，他更高調搭住太太膊頭合照晒恩愛。
打到一半眼瞓
雖然由張繼聰領軍的隊伍最後以四分之微落敗，但他的個人成績優秀，全晚共奪二十八分，成為全場得分最高的球員，提到自己的表現，他笑言：「至少大家都未猝死，可能因為剃咗光頭，散熱散得快啲！」又自言輸波不覺失望：「上咗年紀打波打到一半就覺得眼瞓，所以我係黃昏球員，今次場波見到咁多職業球員在場，所以自己似fans多啲！」
pat pat抽筋
同場亦有樂隊組合Mr.，成員Tom一上場就連入三球，狀態大勇的他更自爆囝囝特意前來撐自己，而另一位成員Dash亦玩自爆：「今次第一次喺體育館做表演賽，所以好緊張，仲要我每次緊張，左邊pat pat就會抽筋！」而有「Baby Jordan」綽號的主音Alan，則坦言這場比賽令他大感壓力，後來又謂：「現場有咁多fans支持我哋，所以就放鬆啲！」
from:
http://orientaldaily.on.c ... /00282_054.html
