成功戰勝癌魔的無綫藝人林淑敏（Mandy）新婚不久，昨日便為維特健靈健康產品拍廣告，笑言仍未習慣人妻生活，又踢爆王祖藍及李亞男好事近：「佢哋應該都快o架喇，我諗祖藍唔會介意亞男到時着高踭鞋！」
李亞男被林淑敏爆好事近，且有意到意大利搞浪漫婚禮。
而李亞男昨日與王敏德及李璧琦宣傳旅遊節目時表示，早前到意大利拍攝，感覺很寫意，有想過到當地舉行婚禮，問到男友王祖藍的看法，她說：「佢冇答，淨係話見我着好少衫好震驚，因為我着Bikini。」對於被好友林淑敏爆婚期不遠，亞男直認打算幾年內成婚：「要佢（祖藍）置業先，睇屋交晒畀佢，我想望到有山有水，兩、三層樓。（要咁大想生BB？）冇諗咁遠！（同家人住？）佢希望同媽咪住。（驚婆媳問題？）佢媽咪好Friendly又好有型，好似家姐咁！」
from:
http://orientaldaily.on.c ... /00282_046.html
