【銅鑼灣利園→禮頓山】噚日元宵佳節，有拖拍嘅戀人都特別甜蜜，前日下晝三點幾，有「沈大師」之稱嘅沈卓盈同楊秀惠舊愛、拍拖五個月嘅金融才俊男友麥偉汶（Ray Mak），十指緊扣喺銅鑼灣利園拍拖。
【今日我至實】沈卓盈同男友麥偉汶前日拍拖逛街時，隻手拖到實一實，愛得肉緊，話晒男友係筍盤，真係唔可以輕易放手㗎！
【陪買咖啡】【攬實香肩】
有情飲啡飽
戴住黑超嘅沈大師沿途同男友有講有笑，鬼咁甜蜜，之後一齊入咗Starbucks買咖啡，原本沈大師坐低等男友買完齊齊嘆，但當佢發現有記者影相時，即刻通知男友一齊走。
沈大師同男友朝住有指係佢哋同居愛巢嘅禮頓山方向行去，其間經常回頭望有冇記者跟住，佢哋一度以為冇人贒住，即刻煙韌咁黐番埋一齊，Ray好肉緊搭住女友膊頭，但好快知道記者仲跟緊時，佢即刻鬆開手，直入禮頓山豪宅入口，原來Ray只係買咗一杯咖啡，相信兩個人返屋企有情趣咁同飲一杯咖啡，應該特別甜蜜。
【鬼祟返歸】【禮頓山愛巢】
from:
http://hk.apple.nextmedia.com/entertainment/art/20130225/18175672
