身在日本的沈卓盈繼續否認拍拖，但強調遇到合適對象，都想組織家庭。
今年32歲的沈卓盈（沈大師）先後與飛機師Simon、金融闊少男友Ray Mak拍拖，但去年她跟Ray分手後，就由價值過億的禮頓山搬返青衣公屋居住。
雖然打回原形，不過進擊的沈大師繼續屢敗屢戰，今年3月被本報影到與一名四眼男貼頭食雪條，當時沈大師亦例牌否認：「都話唔係咯，朋友呀！朋友出街食飯行嚇街，佢好gentleman，多人地方都護一護。咁我單身嘛，朋友出街食飯正常社交。」不過之後兩人又再被人影到在東涌outlet行街，見得如此頻密，確實很難令人相信兩人沒有拍拖。
進擊的沈卓盈最近被傳與四眼男打得火熱，並已在紅磡築愛巢同居。資料圖片
沈卓盈早前被影到與四眼男在東涌outlet行街。資料圖片
沈卓盈（左）近日孖住好姊妹徐淑敏去日本旅行，慶祝兩人相識十週年。
孖徐淑敏遊日本
昨日有週刊指沈大師與四眼男拍拖雖然短短幾個月，原來已經在紅磡築愛巢同居。報導又指四眼男家底不錯，家族經營內衣褲出口生意，他亦有幫家人打理生意，而父母則住京士柏山獨立屋，所謂筍盤難求，難怪沈大師要吼實四眼新歡。
此外，沈大師前日孖住閨密徐淑敏去了日本旅行，她昨日透過短訊回覆否認同居傳聞，沈大師說：「唔係啦！」又表示今次日本之旅沒有與四眼男同行，她說：「今次係姊妹遊，慶祝兩人相識十週年。」被追問與四眼男有沒有發展機會？她說：「我哋係朋友，如果對方追我先再算啦！冇刻意去諗感情事啦，如果真係遇啱我都想有個家庭，做個賢妻良母。」看來沈大師真的好恨嫁，相信遇合適對象，應該會閃婚。
採訪：楊定
from:
http://hk.apple.nextmedia ... 160812/19732529
