當港姐冠軍陳庭欣（Toby）遇上港男冠軍許家傑（Jack）時，究竟會擦出甚麼火花？Toby和Jack為了避免新年過後出現「暴肥」現象，日前相約一起大跳拉丁舞喼弗，兩人穿上貼身舞衣大展示完美身段！所以話新年吃得多，又如何？
許家傑與陳庭欣均表示跳舞可以減肥。陳庭欣和許家傑大跳拉丁舞，ending pose大有睇頭！
在農曆新年期間，吃喝玩樂當然少不免，放任過後自然肚腩現形，港姐陳庭欣和港男許家傑就有喼弗妙法，並示範一part拉丁舞！當天，Toby穿上性感Deep V舞衣大騷事業線，而Jack則穿上透視開胸衫盡騷胸肌，二人隨着強勁節拍擺動舞姿，最後Jack更單手輕攬Toby的纖腰擺出ending pose！
擁十年舞功
Jack表示跳舞已10年，對拉丁舞更是情有獨鍾，每逢新年期間都會跳番夠本，他說：「因為呢段時間studio冇人book房，我咪成日去練舞，甚至連拜年都唔去，搞到畀阿媽鬧！其實我以前都有少少肥，不過跳拉丁舞就真係減到肥，尤其係腰部嘅肚腩！」
望爆騷養家
Toby亦坦言最初跳拉丁舞也是受到Jack的影響，因得知對方是「拉丁舞王」，故決意拜他為師，Toby說：「已開始咗大半年，嗰陣第一次同Jack跳舞，真係估唔到佢可以咁型，平時都唔覺！佢仲成日教我腰部打八字咁郁，真係可以減到條腰。」問到Toby有甚麼新年願望？她說：「希望世界和平！快啲爆show，搵多啲錢！因為Daddy今年退休，我又係獨生女，所以希望畀家人有更好嘅生活！」
from:
http://orientaldaily.on.c ... /00282_084.html
