長期喺內地穿州過省吸金嘅任賢齊，放棄春節搵錢黃金檔，放假陪女友Tina同一對仔女，舉家去澳洲旅行，做廿四孝老豆。
約都冇咁啱，八珍有friend同小齊一樣，選擇澳洲避年，目的地黃金海岸，仲要初二初三都撞到正，好有緣！初二（二月十一日），小齊一行人去咗Warner Brothers Movie World，第二日景點繼續係主題公園Paradise Country，抱樹熊，睇剪羊毛……澳洲之旅指定節目。
Family trip，又要照顧七歲女Rati同五歲仔Cody，小齊女友師奶look，全程口罩，唯獨一家人抱樹熊合照，Tina先肯除罩見人。
一家大細，唔計機票食宿，到埗join團買package最方便，人頭計大約一千蚊位，以過八算澳幣計，十分抵！
澳洲必影，同樹熊近距離接觸，小齊、Tina終於卸下戒備。去主題公園，撞口撞面華人，小齊同Tina，一個戴黑超，一個戴口罩。
小齊一家四口外，同行仲有其他親人同小朋友，典型family trip。
