唐英年大宅僭建，近日被政府執法機構發出傳票，唐媽媽唐尤淑圻昨日在荃灣出席仁濟新春酒會，相信是怕被問到新抱郭妤淺被票控的事，一見記者就迴避，不肯企定影相，上台頒獎給長期服務員工後，祝一句「大家蛇年行大運」便走人，不停左閃右避。
唐媽媽唐尤淑圻（右）閃避記者，今年連環嫁女的田北辰（左）就如同開籠雀。
同場田北辰就變身開籠雀，自爆早前與太太及三個女兒去峇里島旅行：「日日着短褲、曬太陽、飲飲食食，唔使睇文件，真係好輕鬆。」他更謂5、6月兩個女兒連環出嫁：「之前成日催佢哋結婚，𠵱家接住嚟，今次真係有啲唔捨得，不過佢哋突然結婚，咁我突然抱孫嘅機會都大增。」
from:
http://hk.apple.nextmedia ... 130221/18171618
