嫁人無耐嘅女歌手陳逸璇（前名陳苑淇，Jolie），早前同Jessica C.出席活動，俾人哋嘅「警鐘胸」搶晒鏡。一句講晒，輕敵囉！但唔緊要，早兩日媽咪姐見心情so good嘅佢，着住條短裙仔喺花墟行來行去，43吋長腿任覽無遺，唔少途人阿伯都睇到眼定定。
後尾佢入咗間花舖睇花，揀中咗個花盆，之後仲買咗多個盆栽先埋單走人。買到心頭好，固然好。不過最重要係有番「收視」，自信返晒嚟！
惡鬥Jessica C.
着咗背心短裙仔嘅Jolie，遇上爆胸嘅Jessica C.，佢話：「我唔會鬥，我已經結咗婚，佢又後生！」唏，人妻都可以好吸引嘅，下次「努力」啦！
陳逸璇同個花檔老闆好好傾吓。做咗闊太，都係時候學吓插花咯。
