歌手陳逸璇昨日出席活動時透露農曆新年期間和老公到泰國旅行，兩公婆到當地紅燈區觀光時，竟被一名外籍男人向她問價，令她的老公非常生氣，而陳逸璇則覺得紅燈區污糟，返到酒店狂洗手。
陳逸璇春節期間與老公拍拖遊泰國。
陳逸璇與混血名模Ana R.昨日為於apm舉行的「"囍"結良緣珍藏展」迎元宵節活動擔任嘉賓，陳逸璇提到今次的泰國之旅一點也不浪漫，她說：「嗰度夜晚簡直就係男人嘅天堂，女人嘅地獄。有晚我同老公一齊去咗當地嘅紅燈區，見到好多女人坐喺金魚缸入面，仲有裸男同人妖。嗰晚竟然有人問我價，老公當堂好嬲，不過對方係外籍男子，所以老公冇同對方嘈。我覺得嗰度好污糟，所以返到酒店狂洗手。（係咪驚到唔敢造人？）係呀，過年都係留喺香港好。」而今個農曆新年她派了五位數字的利是，朋友都祝她年生貴子，但她表示暫未計劃生BB。
Ana元宵玩驚喜
另外，同場的Ana將與男友度過首個中國情人節，她表示到時會為男友下廚予驚喜。她指男友很喜歡吃她煮的美食，在食方面男友很容易滿足。但做決定時就比較難，她說：「無論我哋吃飯或者睇戲等，男友都會畀我做決定，由我揸主意，佢話只要我鍾意就得。我好開心有個人可以咁遷就自己，佢唔係冇主見，係好愛我所以先會事事都畀我做決定。」
陳逸璇（左起）、新鴻基租務總經理馮秀炎出席婚嫁的展覽活動。Ana透露元宵節會親自為男友下廚。
from:
http://orientaldaily.on.c ... /00282_070.html
