李居明大師前晚與蓋鳴暉、吳美英、陳好逑、阮兆輝等為粵劇《英烈孔雀王》慶功宴，同時亦為新光戲院重開一周年慶祝。滿肚大計將新光辦得有聲有色的的李居明，前晚透露有意邀請劉嘉玲在新光演《羅生門》話劇，他說：「我野心好大o架，已經搵緊嘉玲，鍾景輝話請唔請得起嘉玲o架？可能有得傾嘅，因為嘉玲鍾意做話劇，主要睇劇本，可能唔使收足片酬。」
李居明分別頒獎給蓋鳴暉（左）與陳好逑。嘉玲喜歡演舞台劇，被李居明睇中斟演《羅生門》。
預測栢芝轉運
李居明除了邀請嘉玲演出外，還有意找張栢芝客串劇中神婆角色，他說：「我特登算過栢芝今年轉運，個個都以為佢係票房毒藥，我知唔係。栢芝同霆鋒今年都轉運，全年都好好。（栢芝同霆鋒有冇機會復合？）唔講你聽。」李居明又指希望來年創作一套搞笑賀歲粵劇，他笑謂要與黃百鳴和曾志偉的賀歲片拗手瓜。
不過，栢芝經理人則回應指暫未有人接洽過，加上今年栢芝的工作排得密密，相信未能參與演出。
蓋鳴暉捧大獎
而蓋鳴暉前晚獲頒發新光重開一年來的票房冠軍大獎，因感冒聲沙沙的她笑謂：「好似攞咗最佳女主角獎咁。」至於陳好逑則奪得金鳳凰大獎。
from:
http://orientaldaily.on.c ... /00282_038.html
