劉嘉玲表示不介意陳惠敏（小圖）重提綁架事件，坦承已經放下及學懂寬容和慈悲。
劉嘉玲早年遭綁架事件，翻炒再翻炒，最近陳惠敏接受內地節目專訪，又再舊事重提，表示事件最後由他擺平，他證實一段網上疑似嘉玲被強姦的影片是假的。當事人嘉玲前晚到灣仔出席雜誌30週年活動，席上還有薛凱琪、謝安琪、楊思琦和周柏豪等，打扮高貴優雅的嘉玲被問到綁架事件一再被重提，她說：「又講呀？」然後不慍不火地說：「唔會動氣，我乜都講得，我係普通人一個，人生嘅經歷好普通，係有多啲考驗，每一步都令我成熟，發生咗就係發生咗，可能未來仲有好多功課同考驗。」
「個天會睇住」
對於往事種種，嘉玲承認已經放下，她說：「一路都冇嬲，我已經放低咗，係媒體唔肯放過我，我講乜大家都有自己嘅版本，如果我話佢啱，啲人又有嘢講，我好感激當初做呢件事嘅人。」更上一層樓的嘉玲更不煩其厭地大方回答這個話題，她說：「我接受咗，人嘅心態係撩啲嘢講嚇會好開心，但係我冇事，都唔係好大件事啫，陳惠敏係幫我解釋咗一個最清楚嘅講法。」嘉玲表示跟陳惠敏並不太熟，只是一齊拍過戲，最後她以天有眼為事件回應作結：「我覺得好多嘢個天會睇住，適當時候會畀個解釋你。」
踏入30的薛凱琪，添了幾分性感和嫵媚。攝影：陳慧安
有不少歌手都表示不會出席樂壇頒獎禮，謝安琪應該可以穩袋獎項。
楊思琦聖誕密密做，賺到不少錢養家喇！
自比生命勇士
談到獲頒最高榮譽大獎「Fun Fearless Award Woman of Our Time」，嘉玲不敢恭維，只形容自己是生命勇士，她說：「個天對我唔錯，我回顧咗一下，10歲時唔懂事，20歲扮懂事，30歲係搞事，40歲自以為是，人生𠵱家去到好成熟階段，45歲之前有兩個守護神，堅持同忍耐，45歲之後有寬容同慈悲。」她又提到身邊的好友，給她陽光和暴雨：「暴風雨都有水份都有營養，都有好多媒體睇住我強壯起嚟，見證我嘅成長。𠵱家49歲有49年人生經驗，帶住寬容慈悲，展望未來開心生活。」
採訪：盧妹
from:
http://hk.apple.nextmedia ... 141212/18965802
