DaDa陳靜拋34E巨胸捉姦

擁34E巨胸嘅𡃁模陳靜（DaDa）同陳偉霆前晚7點鐘左右，喺中環蘭桂坊拍攝電影《重口味》外景，同場嘅除咗兩位主角，仲搵咗翻版PSY錢國偉客串一角。錢國偉嘅女友陳宛蔚，仲帶埋選過亞姐嘅「臭口Barbie」廖祉甯探班。

前晚場戲好簡單，錢國偉飾演DaDa嘅男朋友，點知俾DaDa同陳偉霆撞破佢攬女偷食，DaDa即刻跳車上前質問。陳偉霆戲中架車都幾浮誇，全車粉紅色非常搶鏡，不過全晚最精采嘅都係DaDa，自從佢喺《低俗喜劇》飾演爆炸糖之後，有得提名台灣金馬獎同香港電影金像獎唔在講，最難得係佢成個人開咗竅，簡單一場街頭捉姦對罵戲都拍得好有神韻。


DaDa前晚拍爭仔戲非常投入，佢好潑辣咁鬧交，鬧到青筋暴現，仲露出4吋長事業線㖭！

【嬲爆上車】露4吋事業線

DaDa仲喺鬧交時不經意露出4吋事業線，其實佢件衫已經好鬆同低，加上佢手舞足蹈咁講嘢，件衫差唔多成件跌落嚟，睇到現場圍觀睇熱鬧嘅自由行不知幾開心，肯定覺得不枉此行。呢個鏡頭前後拍咗五次左右就收工，認真快手。　
from:http://hk.apple.nextmedia ... 130220/18170489

陳靜（DaDa）前晚低胸襲中環，騷胸與陳偉霆（William）於車內拍談情戲，面露高潮樣的她迅即吸引大批市民圍觀，為免被睇蝕，一停機DaDa就馬上以圍巾遮胸，包到實一實。

DaDa一落車馬上取出圍巾遮胸，以免被人睇蝕。

近年片約不斷的DaDa，前晚約8時夥拍陳偉霆及錢國偉於中環為新片《重口味》取景，低胸打扮的DaDa到場不久即和William坐在粉紅色私家車內拍談情戲，豐胸半露之下相當養眼，令到現場火速聚滿市民圍觀，將成條街擠到水洩不通，鏡頭前DaDa專心地和William對戲，未幾更嘴擘擘擺出誘惑「高潮樣」，演得相當投入，睇到圍觀市民眼甘甘。及至轉拍William的泊車戲，落車後的DaDa馬上取出圍巾遮胸，以免被睇蝕。

錢國偉恨拍床戲
大隊隨後轉景往上環拍攝，期間William被問及女友阿Sa揸越野四驅車炒車受傷，他無奈地說：「呢啲梗係架車有問題啦！（有冇心痛？）乜啲問題咁老套o架。（呢排興情侶出埠分房瞓，你哋係咪呀？）私隱嘢唔答。」

錢國偉（右）再度Psy上身，又大呻同DaDa冇床戲。DaDa與William在車內拍談情戲，更嘴擘擘擺出「高潮樣」。

另外同場再度Psy上身的錢國偉相當風騷，鏡頭前被女演員當街錫了啖，他透露其角色包養DaDa，但被對方發現他和其他女仔親熱，錢國偉說：「又話我包DaDa，點解我同佢冇床上戲又冇接吻戲，真係唔公平。」DaDa聞言笑說：「佢就想！」更表示今年上半年已接了3部戲，其中一部要回內地拍攝。
from:http://orientaldaily.on.c ... /00282_036.html