李司棋、陳展鵬、黃翠如昨日齊為劇集《心路GPS》宣傳，首次孭重戲份的黃翠如，表示近日心情緊張，已呼籲一班有線舊同事捧新劇場，並預計劇集出街後會惹來評論：「我諗我會捱到，做晒心理準備，希望唔好鬧得咁『甘』，不過鬧吓先大，拍嗰時好多前輩有教我，好似司棋姐同展鵬，佢哋畀好多空間我，多謝佢哋。」
黃翠如（右）與有線舊同事梁嘉琪同拍新劇。
一身新年裝束的司棋姐透露過年期間每天均有親友探訪她，雖然女兒在加拿大，但家中同樣熱鬧。司棋姐又讚女兒青出於藍︰「佢叻我好多，性格鍾意熱鬧，（唔叫個女生個孫畀你湊？）呢個難啲，因為佢哋話唔要，（會唔會失望？）我同佢講唔生老咗生唔到，不過細路仔係上天賜嘅禮物，睇吓啦。」談到新劇演好賭的母親，現實中司棋姐就對此沒興趣，坦言曾有位好友爛賭，並向她借50萬應急，不過最終司棋姐只借了5萬︰「預咗冇回頭，佢依家都唔知去咗邊。」
from:
http://orientaldaily.on.c ... /00282_010.html
