毛舜筠拖手晒幸福

新年又到喇，今年賀歲片又係曾志偉鬥黃百鳴，不過今年毛舜筠就由曾志偉陣營，跳槽幫黃百鳴拍《百星酒店》。早排記者喺灣仔警署門口，就見到毛舜筠同老公區丁平。正所謂生不入官門，毛舜筠似乎都好怕記者影到佢由官門出嚟，一直迴避鏡頭。至於因咩事入警局？毛毛冇透露半句。反而全程繑實老公隻手，一副有老公萬事足嘅樣，非常小女人！

毛舜筠好眼利，一出警署門口已經見到記者。佢keep住擰歪面，反而區丁平就一路掘住記者，用眼神保護愛妻。行咗幾步，兩人唔玩繑手，區丁平左手反手一捉，捉實毛姐右手。行街都咁鬼寃氣。