毛舜筠、周柏豪及鄧紫棋（G.E.M）昨日應邀出席港台在鑽石山荷里活廣場舉行的「舊書回收義賣大行動2009」，毛舜筠因為拍《畢打自己人》全年無休，她說：「我終於可以申請放到一個禮拜假，本來打算呢個星期喺屋企攬住兩個女，但係今日呢個活動好有意義，我答應出席之後即刻問兩個女有乜嘢書可以捐，點知個大女唔睬我，個細女就好唔捨得咁拎咗本細書出來。」
G.E.M與周柏豪都捐出自己看過的書，周柏豪說：「我平時真係少睇書，呢本《窮爸爸富爸爸》我睇咗9個月，平時冇時間睇。」會考剛剛放榜，去年有21分的G.E.M說：「我有師妹同埋歌迷今年考會考，聽佢哋講話考得幾理想，叫我放心。」
如果您喜歡這篇文章，請按「讚」或分享給您的朋友，以示鼓勵。
