鄧紫棋（G.E.M.）日前跟扭氣球老師Kenneth學扭賀年氣球迎新歲，不過有「小巨肺」之稱的她，原來膽子相當細，當她要將香腸形氣球扭成桃花瓣時，因怕爆波關係，表現驚青，其後她又嘗試扭大桔，可是雞手鴨腳扭到連波都跌埋，要老師協助才可「大桔告成」。
G.E.M.睇老師扭氣球，擔心爆波，掩住耳仔。G.E.M.拿着氣球扭成的花束，大讚有心思。
G.E.M.透露發財大計：「初二去經理人張丹屋企拜年，要逗佢老竇封利是，（有幾多錢？）上年走一轉都逗到成萬蚊，佢屋企好多親戚，希望今年破紀錄。」問她可會帶厚禮拜年？她說：「我會送頭先扭嘅大桔，希望世伯大吉大利。」G.E.M.入行後開始派利是，她坦言派到好肉赤：「人哋夫婦派利是，有兩個人分擔吓啲利是錢，但我就得一個，所以我啲利是每封都唔同金額。（派畀邊個最大封？）親疏有別，梗係我阿妹啦。」
from:
http://orientaldaily.on.c ... /00282_017.html
