新年飯局嗆喉致急性肺炎，歐陽震華入ICU搶救

現年52歲的師奶殺手歐陽震華（Bobby）前日年初二，約陶大宇和謝天華等到友人家開年，好友歡聚難免暢飲狂歡，至昨日凌晨Bobby突然昏迷，被送入醫院深切治療部（ICU）急救。Bobby太太、澳門前賭王傅老榕孫女傅潔嫻昨日眼紅紅現身醫院，經理人Lydia否認Bobby飲酒出事，她指Bobby昨日凌晨因急促進食嗆喉導致急性肺炎，昨午已清醒，但仍需插喉留醫。

歐陽震華昨日凌晨突然在友人家中昏迷，被救護車送灣仔律敦治醫院搶救。有傳他前晚在友人家開年聚會時，狂歡飲酒出事，有指Bobby半夜昏迷送院，由陶大宇及一班友人陪同入院急救，直至昨日仍在醫院深切治療部留醫。Bobby太太傅潔嫻和經理人Lydia昨日到醫院探望，Lydia指Bobby因進食時嗆喉致急性肺炎，昨午已清醒，但仍需插喉留醫。

歐陽震華和太太傅潔嫻結婚多年，恩愛如昔，經常有影皆雙。　歐陽震華太太傅潔嫻（左）昨由丈夫經理人Lydia陪同到醫院。

「佢清醒都有回應」

00年視帝兼師奶殺手Bobby，近日跟老拍檔關詠荷拍攝無線新劇《情逆三世緣》，適逢農曆年假停廠，Bobby前日初二即約好友聚會，陶大宇和謝天華夫婦等均是座上客，天華太太Tina昨日凌晨還把歡樂照片上載微博，相中的Bobby太太傅潔嫻還笑得開懷，料不到昨日凌晨卻發生意外。

Bobby被傳醉酒留醫ICU搶救，情況令人擔心，經理人Lydia昨午已到醫院打點，她先後多次進出病房，昨午2時探病後向現場記者簡述Bobby病況，她眼濕濕說：「Bobby係急性肺炎，佢噚晚食嘢嗆親入咗醫院，佢人清醒，我哋探佢都有回應。」對於傳聞指Bobby因飲過量酒致昏迷，她強調：「佢飲咗一杯啫，同酒冇關，佢太太擔心一定有，但情緒OK，Bobby暫時喺ICU。」是否已過危險期？Lydia說：「冇事，冇事。」

Bobby太太神情憂傷

由於記者聚集病房門外，醫院一度用屏風遮擋病房門外，氣氛緊張，Bobby太太傅潔嫻昨午5時半戴上口罩現身醫院，她眼神顯得憂傷，之後才說：「OK OK，冇事嘅。」身邊的Lydia也說：「Bobby醒番，佢要休息一段時間，約一星期。」Lydia指Bobby聽從醫生吩咐不准亂動，她說：「佢好攰，要插喉未落得床，𠵱家情況好安全，太太擔心一定有。」Bobby何時可由ICU轉普通病房？她說：「快㗎啦。」

記者昨午致電陶大宇，他直認昨日凌晨送Bobby入院，大宇說：「我哋前晚先後上咗朋友屋企開年聚會，大班朋友開心嚇，Bobby突然有少少唔舒服，我哋就陪咗佢去醫院。」大宇表示較Bobby遲到場，朋友已開始微醉，問到Bobby酒量如何？大宇說：「Bobby又唔係酒筲箕，大家唔係劈嘅，開心飲嚇啫，佢飲咗少少酒啫，可能佢呢排開劇有啲攰。」大宇直認傅潔嫻憂心，他說：「做太太嘅梗係擔心，我都擔心㗎。」

陶大宇（右）直認昨日凌晨陪同Bobby入院急救。謝天華前日年初二跟Bobby夫婦聚會，Bobby出事前，傅潔嫻還玩得高高興興。　微博圖片

歐陽震華年初一在微博上載與關詠荷（左）等《情》劇拍檔合照，祝粉絲新年快樂。

天華：飲紅酒威士忌

謝天華和太太Tina與Bobby在友人家飯局，不過天華夫婦早走，及至昨早才獲悉Bobby入院，他昨日在電話中說：「我走前Bobby都好正常，可能食嘢太急，今早瞓醒先知佢入ICU，好擔心，過年流流。」聚會是否飲太多酒？天華說：「過年梗有，但唔係酗酒，紅酒、威士忌都有，成班朋友飲咗幾支，唔知佢有冇醉，走時好正常。」天華昨日未有往探望，他說：「等佢精神狀態好啲先，費事騷擾佢，等佢好番七、八成，有問候佢太太。」

《情》劇預計明日開工，但Bobby仍要留院，該劇監製莊偉健表示上週六年廿九本來Bobby要開工，但當日他已冧廠請病假，莊偉健昨日在電話中說：「Bobby經理人今日有同我聯絡，佢初五未開到工住要唞嚇，本來我聽日都想去醫院探嚇佢，但佢經理人話唔好，我會聯絡住佢哋。」　
From:http://hk.apple.nextmedia.com/entertainment/art/20130213/18163691

無線藝員歐陽震華（Bobby）前晚與謝天華及陶大宇等到圈外朋友家中拜年，樂極忘形的他疑因飲酒過度昏迷，其太太及友人立即call白車將他送院，至今Bobby仍需留在深切治療部（ICU），並需插喉治理，其太太昨午探病後雙眼通紅，神情擔憂。

Bobby一向飲得，未知是否因工作忙才導致身體不適？

52歲的無線藝員歐陽震華（Bobby）向來予人感覺精靈活潑，年廿九還在微博表示要吃十隻海膽，年初一亦有向fans拜年，精神狀態甚佳，想不到昨晨疑因飲酒過度昏迷，被送往深切治療部，病情不輕！

據知前晚Bobby趁新年放假，與太太傅潔嫻相約好友謝天華、陶大宇、郭政鴻及吳卓羲等到一名相識廿多年的圈外朋友家中飯敍，眾人情緒高漲把酒談心，至半夜4時多，其太太發現醉酒的Bobby不省人事且面色有變，深感不妥，立即召白車將他送往灣仔律敦治醫院，經醫生初步治理，Bobby仍需留院觀察至少一星期。

經理人：急性肺炎
昨午約2時，已有大批記者在醫院守候，院方煞有介事在ICU門外圍上黑板，並有保安在場，但沒阻礙記者採訪。Bobby經理人Lydia被發現坐在一角，起初她表示不太清楚事件，其後在一名男友人陪同下入內探病，十分鐘後Lydia步出受訪，她解釋Bobby因食物落錯位導致急性肺炎，並一度否認因酗酒所致，問及Bobby太太心情，Lydia說：「當然會驚，但情緒尚算OK。（佢拍緊劇點算？）瞭解緊，應該要請假。」問到Bobby是否已度過危險期，她只答「冇事、冇事」，但要繼續留ICU觀察，其後於後樓梯離開。

傅潔嫻對老公入院一事十分擔憂，探訪後更眼紅紅。Bobby出事後被送入ICU治理，院方在ICU外圍圍上黑板。

有份出席飯局的郭政鴻透露當晚情況。傅潔嫻由Bobby經理人（右）陪同下離開醫院。

約4時半，Lydia與Bobby太太及幾名親友從正門入內探病，約一小時後離開，戴上口罩的傅潔嫻雙眼通紅、神情擔憂，但沒回答記者提問。Lydia代答表示Bobby已恢復意識，但尚未十分清醒：「因為食咗藥同插緊喉。（落到床？）佢要乖喇！要留床休息。（留院幾耐？）大約一星期。（幾時轉去普通病房？）快o架喇！」及後在醫院大堂，傅潔嫻終開腔回應說：「OK嘅，冇事冇事。」

Lydia昨接受電話訪問時承認Bobby「暈過一陣」，但其後已甦醒。

郭政鴻語帶徬徨
陶大宇及郭政鴻有份送Bobby入院，大宇昨午說：「過年大家聚埋一齊，係有飲酒，都飲得幾多下，見佢唔係好妥，醉醉哋，為求穩陣都係畀醫生睇嚇，情況應該OK。」郭政鴻語帶徬徨為好友擔心，想不到新正頭出事，他表示當時大家正打麻雀耍樂，Bobby突然表示「好攰」而小睡一會，其後發覺他不適，但送院時仍有意識。問到是否飲酒過量出事？他說：「飲好少啫！家常便飯。（隱性疾病？）醫生話冇咩大礙，可能佢工作上太攰！佢太太有咩需要，我哋隨時幫手。」謝天華則表示跟老婆早走，故沒察覺Bobby不適，問到是否飲酒太多？他說：「少少咋，平時食飯咁。（探佢？）等佢休息下，睇佢咩情況先。」昨日有不少網友到Bobby微博祝他早日康復。
from:http://orientaldaily.on.cc/cnt/e ...0213/00282_001.html

歐陽震華（Bobby）大前日開P團拜，有傳酗酒出事，凌晨被送往律敦治醫院ICU搶救，經理人Lydia澄清只是急促進食嗆喉導致急性肺炎，昨日情況好轉，其妻傅潔嫻現身醫院時表示Bobby反安慰她不用驚。Bobby孭飛的無綫新劇《情逆三世緣》受影響，可能隨時停工。

現年52歲的師奶殺手歐陽震華，大前日年初二與陶大宇、謝天華等到友人家狂歡暢飲，Bobby前日凌晨突然昏迷被白車送往灣仔律敦治醫院，在深切治療部（ICU）插喉留醫，其經理人Lydia表示Bobby因急促進食嗆喉導致急性肺炎。Bobby太太、澳門前賭王傅老榕孫女傅潔嫻前日探望夫婿時眼紅紅，但Bobby經醫生搶救後情況好轉，傅潔嫻昨日現身醫院時已再現歡顏。

關詠荷表示檔期可以延長配合，最重要Bobby康復。傅潔嫻昨日探望老公Bobby後，向記者報平安時現笑顏。

「佢叫我唔使驚」

有讀者昨日報料指Bobby出事時正在好友Ben Chan家開P，突然發生意外嚇壞朋友，Lydia前日否認他是飲酒出事，Lydia昨午一時多再陪傅潔嫻到ICU探Bobby時說：「佢今日比噚日好好多，識得講嘢，幾時轉普通病房要等醫生通知。」

Bobby大步檻過，傅潔嫻也說：「佢精神好好多，唔可以食嘢，要吊鹽水，佢叫我唔使驚。」雖然朋友想探望Bobby，但遭其家人婉拒，傅潔嫻說：「朋友都話嚟，我話遲啲先，佢喺ICU唔係咁方便，我諗好快醫生可以安排轉普通病房。」眼佈紅筋的傅潔嫻昨午五時多再到醫院，Lydia代答：「Bobby要留多日ICU，佢食咗藥有啲攰，出晒鬚根。」Bobby可會戒酒？Lydia說：「唔關酒事，係有菌入咗肺。」

新劇隨時被抽起

無綫劇《情逆三世緣》監製莊偉建，昨日在電話中被問到今日是否繼續開工時說：「抽其他戲份拍住先，就算佢（指Bobby）出院都等佢休息吓先。」莊偉建透露《情》劇拍了三分二，原定下月5日出發到佛山拍外景，不過隨時有機會抽起劇集不拍：「要抽起都唔定，等聽日（指今日）返公司開會先有決定。」

《情》劇女主角關詠荷今日繼續開工，她在電話中說：「照開工，話搵替身代Bobby拍，如果拍攝期要延長，我配合到，最緊要Bobby冇事行返出嚟。」
from:http://hk.apple.nextmedia ... 130214/18164293

歐陽震華（Bobby）年初二與好友開年狂歡玩到凌晨四時，之後Bobby被太太發現昏迷不醒送院救治，至昨日還在深切治療部（ICU）留醫。Bobby太太傅潔嫻昨日到醫院探望Bobby後指丈夫病情已見好轉，但仍要吊鹽水，她開心說：「佢醒番，仲叫我唔使擔心。」傅潔嫻又說Bobby有望轉到普通病房。

經理人Lydia及傅潔嫻向傳媒交代歐陽震華病況。歐陽震華已甦醒，但仍然未能進食，要吊鹽水。

現年52歲的歐陽震華年初二晚約了圈中好謝天華、陶大宇、郭政鴻和吳卓羲等開年飲酒狂歡，直到凌晨四時許Bobby太太傅潔嫻發現他昏迷不醒，隨即召救護車將Bobby送到律敦治醫院急救，並診斷Bobby因食物落錯位導致急性肺炎，隨後被送到深切治療部（ICU）留醫。

昨日下午一時，傅潔嫻與Bobby經理人Lydia前後腳到達醫院探望Bobby，兩人在ICU逗留了二十分鐘，傅潔嫻離開病房時，心情明顯比前日輕鬆得多，問到Bobby病情，傅潔嫻說：「佢醒番，清醒番，認到我，講到嘢，好番啲喇，但未食到嘢，仲要吊鹽水。（Bobby知道你好擔心？）知，佢叫我唔使擔心。（幾時可以轉普通病房？）要再同醫生商量，應該好快。」傅潔嫻指不少朋友也希望探望Bobby，但因ICU不便，要待他轉到普通病房才可作安排。

佘詩曼希望老友歐陽震華早日康復。歐陽震華太太傅潔嫻昨到醫院時表現較前日輕鬆。

好友微博祝福
傅潔嫻昨午四時與Lydia再到ICU探病，直到五時二十分離開，當時見傅潔嫻表情仍然輕鬆兼有笑容，可見Bobby病情繼續穩定。Lydia被問到Bobby有甚麼說話，她說：「佢好番好多，食咗藥好攰，好似平時咁眼瞓。（會唔會轉院？）未知。（幾時轉普通病房？）醫生話要睇多日。」傅潔嫻補充說：「醫生話要睇埋今晚（昨晚）。」Lydia又說Bobby病情與飲酒無關，只是啃親、有細菌入肺引致急性肺炎。

Bobby在圈中人緣甚佳，他入院後有大批好友在微博為他祝福打氣，佘詩曼寫道：「大爺早日康復！」錢嘉樂則說：「祝Bobby安康，福星高照。」朱晨麗、王君馨和江美儀都有送上祝福。
from:http://orientaldaily.on.c ... /00282_008.html