台灣「雞排妹」鄭佳甄同台灣人氣Blogger林怡君（Tiffany）日前到香港宣傳水刀抽脂，一同出席活動跟粉絲見面。雞排妹人仔細細粒，身高只有156cm，卻有32E上圍，廟細燈籠大，羨慕死唔少人。而今次同雞排妹同行Tiffany，就坦言自己係隆胸，重落力推銷隆胸新技術，大腿脂肪抽出再注射入胸部，自認質感媲美天然大胸。
好姨嘗試落手feel質感，先摸雞排妹天然胸，的確大而柔軟！而摸Tiffany，質感亦算好柔軟，無硬膠波感覺。兩位都非業滿意自己身材，大談美胸心得。
Tiffany和雞排妹為保胸部白滑，都會為胸部搽護膚露，而問到美胸心得，雞排妹就話飲食重要：「發育期我多飲奶和吃肉，所以比較大，平常沒特別方法保養。」而Tiffany即使係假胸，自言唔使護理，仲好懶做運動咁話！
