陸永與關楚耀在新片《台北夜蒲團團轉》中艷福不淺，先有身材惹火的鄭家純（雞排妹）情挑陸永，之後關楚耀與夏尉喻（寸嘴Barbie）有連場超激情慾的床上戲。不過導演錢國偉日前大爆片中陸永才是最好艷福的男人，面對脫下上衣僅穿胸圍的雞排妹，兼又被女方用雙腳箝實腰間，少點定力都隨時出事。
陸永向妻備案
陸永昨日接受電話訪問，坦言是人生中最激的一次，他說：「我摸勻雞排妹全個人，我唔知點做、好慌，我唔係動作演員，我尺度好低，好在導演安排一連串動作，我好似機械人咁照做，一take搞掂。」問到是否很享受過程？他說：「點會諗到享受？影到好近嗰啲要摸佢，導演不停嗌『摸落去、掃落去、真係摸！』我想減動作戲，怕自己做得唔好，影響進度，導演就幫我加動作，全場人都話我畀咗錢導演。」陸永不諱言事前要向老婆備案：「唔講點得？佢知我做戲，雖然有啲咁大膽動作，但意識係搞笑。」
新片中，陸永面對上圍豐滿的雞排妹，更要摸勻對方全身。
台灣E神張永歆故意著超細碼泳裝示人。
錢國偉率演員將於本週五在九展開P。微博圖片
台灣E神曬料
電影故事圍繞關楚耀，因他與寸嘴Barbie面臨分手邊緣，要追到去台北箍煲求婚，遇上陸永及台灣組合自由發揮，四個男人一晚間發生的事，當中出現許多情慾大膽畫面，其中一幕飾演黑幫大佬的金剛，身邊有幾個露大鵰的肌男傍實。還有台灣E神張永歆亦大賣性感，刻意穿上超細碼泳裝。錢國偉被問到女角衣不稱身時，他笑說：「我呢部唔係三級片，啲女自由發揮，佢哋鍾意呢個size我OK㗎！」此外，電影在本週五於九展舉行「夜蒲party」音樂會，幾位主角將上台表演。
採訪：嵐山
from:
http://hk.apple.nextmedia ... 150302/19059844
