吳君如為黃百鳴賀歲電影的福將，他倆將與周星馳夥拍舒淇的賀歲片打對台，君如揚言親率吳千語、薛凱琪等美女助陣，絕對有信心！黃百鳴則指其招牌賀歲電影有一定捧場客，不擔心票房會被瓜分。
吳君如、黃百鳴先向讀者拜個早年。愛在賀歲片中演蛋散的吳君如，已貴為最賣座賀歲女星。
君如與黃百鳴合作過多部賀歲片，今年再度出擊合作賀歲片《百星酒店》，聯同笑匠杜汶澤、鄭中基、葛民輝、薛凱琪等大放笑彈。君如於1992年《家有囍事》中演繹黃百鳴太太「程大嫂」深入民心，但往後的賀歲片他竟然「換畫」：「佢睇中楊冪啦，喺《八星抱喜》想同楊冪做一對，點知做唔成情侶，佢就父女都殺。依家佢終於知我好，今年點都要同我拍番，哈哈！」
悔開價低
今次君如飾演酒店清潔女工，與黃百鳴不是一對，她說：「其實黃老闆有畀角色我揀，但我鍾意做蛋散、畀人蝦嘅角色，因為觀眾鍾意睇我哋畀人蹧躓先會識笑。」合作多年，君如指酬勞收合理價：「我由細拍到佢大，大家有交情，唔會亂開價。點知我一開個價佢就同我握手，真係好後悔冇開高啲！」
黃百鳴與吳君如堪稱最佳拍檔。
唔怕星爺
君如雄霸賀歲片女演員多年，成為最賣座賀歲女星，她說：「黃百鳴嘅《家有囍事》系列太深入民心，有幾年電影不景氣冇賀歲片，直到《家有囍事2009》之後佢搵我拍到依家，全賴黃百鳴對賀歲片有信心。」
今年周星馳加入賀歲片戰團，對觀眾而言是好事，君如說：「佢哋有靚女舒淇，我哋都有吳千語、薛凱琪同我，每個年齡層嘅靚女都包含晒。我哋仲集齊晒全港最首屈一指嘅搞笑演員，所以好有把握。」黃百鳴則說華語片興旺熱鬧大家都好：「周星馳今次做幕後啫，唔擔心瓜分票房，我哋年年做都有基本觀眾同票房嘅。」
from:
http://orientaldaily.on.c ... /00282_097.html
