徐濠縈爆陳奕迅恨生蛇B

徐濠縈（阿徐）昨晚為其時裝店舉行開幕活動，內地影星周迅專誠來捧場。問到阿徐會否追蛇B？她坦言覺得陳奕迅（Eason）想要B，連囡囡康堤也有開口想要妹妹，不過她笑言要緊守三字頭，到40歲才考慮生多一個小朋友。


阿徐所開的時裝店再度開新店，昨晚繼續以潮look上陣
周迅義助阿徐，由瑞士返港出席其新店活動
徐濠縈與友人合資的時裝店Liger昨晚在銅鑼灣舉行分店開幕活動，她的好友劉浩龍、趙學而夫婦、連腹大便便的Lisa S.也腳踏五吋高跟鞋捧場，而內地影星周迅也有前來。阿徐透露投資七位數字，問到銅鑼灣租金「癲價」，她表示：「呢間舖係發展商邀請我哋合作，係友情價，唔係大家諗嘅天文數字，唔係使咗好多，因為貨之前都入定。」問到她陳奕迅有否給意見，阿徐表示：「時裝喎，叫我唔好咁忙，個女都係咁講，因為之前做到病，不過佢都係支持我，知我鍾意。」


腹大便便的Lisa S.身穿短裙現身，面部已發福不少
趙學而與老公Alan十指緊扣來撐場
周迅瑞士零艷遇
問到阿徐可會計劃生蛇B？她笑言：「Eason都想要，又唔使佢陀，不過應該趕唔切，自己都緊守三字頭，到四字頭先趕，個個都係咁，個個係40歲，時日無多，自己都有跑步，都好fit。」阿徐提到囡囡康堤也開口要妹妹：「佢都有講，之前唔恨，剩係霸住我，𠵱家話想要細妹，可以一齊扮靚。」

原來周迅是義務來撐阿徐，周迅表示：「好多年朋友，開店應該支持，玩一玩。」周迅表示正在放假半年，剛由瑞士回來，現在都在看劇本中，問到她身邊有另一半未？她笑言未有，亦沒有追求者。提到她參演的電影《雲圖》劇本因太深奧，在港票房一般，周迅表示：「很多電影有不一樣的人選擇去看，反正看得懂故事，有興趣去看一次，看不懂的就看多幾次。」問到她會否有興趣再拍荷李活製作，她擰頭笑說：「順其自然。」

From:http://hk.apple.nextmedia.com/entertainment/art/20130205/18156567

徐濠縈昨晚為其新店舉行開幕酒會，指老公陳奕迅非常支持她，問二人如此恩愛，會否追個蛇B？阿徐表示想在40歲前追多個，還笑言要送個蛇B給老公做情人節禮物！


徐濠縈笑言送個蛇B給老公做情人節禮物
時裝達人徐濠縈的新時裝店昨晚舉行開幕酒會，一班好朋友前來撐場，包括何志恩、周汶錡、Lisa S.、黃偉文、鄭希怡和劉浩龍等，內地女星周迅亦特地從瑞士來港支持她，認真畀面！阿徐透露新店投資了七位數字，並以友情價租舖，有信心很快會回本。問到老公陳奕迅（Eason）有否給予意見？她笑言：「吓？時裝喎，佢淨係叫我唔好咁忙，話我唔知為乜，個女都有叫，有時去歐洲入貨，都好唔捨得個女，但Eason好支持我，知我太愛時裝。」

時間無多冇得等
至於會否追個蛇B？她坦言趕唔切，因為三月要跑馬拉松，其後又笑指自己還堅守到三字頭（30多歲），可以再追B：「四字頭就冇得等，個個女人40歲前都想生多件，我時間無多。（養好身體？）我不嬲好fit，有BB就飛唔到，我又鍾意跑步。（個女想要細佬妹？）佢之前想霸佔我，依家就話想要妹妹同佢玩。」她透露情人節將留在香港，未知送甚麼給Eason，記者建議她送蛇B，她即笑說：「咁好啦，送蛇B畀佢啦，講吓咋，等佢開心，Eason乜都有，問佢老友記佢想要乜先。（需要你多啲時間陪佢？）佢仲忙過我。（佢想要BB？）佗B又唔使男人佗，佢實冇問題。」


Lisa S.（左圖）、周汶錡畀面到賀
周迅特地從瑞士飛來道賀，認真唔話得
周迅唔再拍西片
周迅則心情大好，開玩笑指自己只是經過趁熱鬧，她說：「大家好朋友，見佢開完一間又一間店，好高興。」她透露正在放假當中，剛從瑞士飛來港，明天就走，問是否與男朋友去瑞士旅行？她笑說：「冇喎，（唔心急拍拖？）no心急，（遇到啱對象閃婚？）唔知。」她表示會休息多半年，現時有看一些劇本，提到有份主演的電影《雲圖》因難理解而影響票房？她就認為每人有不同選擇，看得懂的就看一次，看不懂就看多幾次，至於會否再拍荷里活電影？她即搖頭示意不要。

From:http://orientaldaily.on.cc/cnt/e ...0205/00282_068.html