【澳門直擊】昨日幾位人妻及人夫到澳門出席活動，新婚燕爾的鄭伊健例牌否認老婆蒙嘉慧有孕，還大講不文取笑快為人父的陳小春「周詳」，搞到小春鬼咁尷尬。問到幾時輪到伊健做老竇？小春即大報復說：「你又知佢冇，你跣我我跣番你。」
【今日我至旺】啱啱結婚嘅鄭伊健同就快做老竇嘅陳小春，噚日喺澳門玩遊戲齊齊贏五萬蚊葡幣購物券，夠晒旺呀
穿斜膊裙的名模楊崢拋胸打手印，身旁的黃品源目不斜視
鄭伊健、陳小春、朱茵、孫耀威及吳宗憲等昨到澳門出席星聚金光大道與星同賽活動，眾人抽籤分組跟參賽者玩遊戲，剛做新郎哥的伊健和準爸爸小春一組，吳宗憲搞鬼大叫：「不公平，一個生小孩一個結婚，喜事連連肯定勝出。」結果伊健那隊贏到五萬元葡幣購物券。
小春跟老婆應采兒舊愛孫耀威同場，兩人零交流，小春全程黐實老友伊健，對於登記結婚證書在本報曝光，伊健說：「唔會講幾時註冊，唔會有儀式，亦唔會着婚紗，或者搵個浪漫地方食飯。」有指蒙嘉慧肚凸疑有喜，伊健沒好氣說：「梗有呢啲嘢講，我哋兩個好fit。」
孫耀威和安以軒蹺手行紅地毯，他全程跟舊愛應采兒老公小春冇交流
朱茵產後未收身，上圍明顯豐滿
朱茵唔使撲奶粉
至於將為人父的小春，坦言未知BB性別，更笑謂中文名或叫陳皮，問是否恨仔？小春說：「如果第一胎係女可以睇住細佬。」伊健即搭訕大講不文：「咁都諗定，唔怪之得你咁周詳。」令小春十分尷尬。問幾時輪到伊健？小春又搶答：「你又知佢冇，你跣我我跣番你，哈哈！」
產後三個多月的朱茵仍未收身，但魔鬼上圍明顯升cup，跳舞時更左搖右擺，晚上行紅地毯，朱茵換爆乳裝倒奶打手印，對於老公黃貫中（Paul）涉嫌於去年立法會選舉日在投票站內拍照，違反選舉條例被捕後獲保釋，朱茵說：「唔好意思，我不便發表任何意見。」問到要否為囡囡撲奶粉？她說：「有奶粉贊助唔擔心，我都要畀錢買尿片，𠵱家全面復工，我坐月坐得好，好快復元。」而Paul昨在微博上載愛女黃鶯新相，並留言：「我的心肝，其實就連一秒都不想與你分開，但工作要緊，當你長大以後你就會明白爸爸了。」
From:
http://hk.apple.nextmedia.com/entertainment/art/20130203/18154738
