周秀娜狠撇花心男友陳偉成（Avis）後，身邊火速出現6呎護花使者，前晚她被本報記者撞破兩人夜遊尖沙嘴，孤男寡女漫步覓食，呼喚愛的娜姐揚言歡迎各界男士追求，並自爆已轉手機號碼，擺明要跟舊愛劃清界線。Avis昨日頹爆現身髮型屋開工，他祝福娜姐有新歡，而他的過氣緋聞女友媽模Mia的富二代新歡亦曝光，兩女各自各精采。
回復單身的娜姐火速有猛男慰藉，前晚跟6呎男伴在尖沙嘴覓食
娜姐呼籲大家支持「好好愛惜周秀娜行動」，希望下月情人節收花
周秀娜難忍拍拖六年的陳偉成背住她偷食，於上周日在港台頒獎禮上高調宣告分手，之後爆出Avis的集郵相簿有𡃁模羅彩玲（Vivian）和同門姊妹Hazel（唐紫睿），甚至流出他跟過氣緋聞女友媽模Mia的劇照變床照，烏煙瘴氣。
為情消瘦的娜姐火速展開新生活，宣告分手後短短五日，身邊已有護花猛男慰藉，前晚約11時許，本報記者在尖沙嘴金巴利街發現娜姐，着牛仔熱褲襯黑絲的她十分搶鏡，身邊男伴高大威猛接近6呎，兩人邊行邊傾，娜姐笑得好開懷，似乎已忘記情傷。
新歡澳洲任職總監
娜姐和猛男走到一間韓國料理看門口的餐牌，商量了一會兒，可惜店內冇位，他們惟有漫步行去Mira酒店，但因時間太晚，酒店內的食肆已關門，兩人再轉場去美麗華商場，搭電梯上三樓去諾士佛臺覓食。據知，這位猛男是娜姐經理人公司同事，名叫Daren，在澳洲分公司任職總監。
昨日娜姐接受電話訪問，她說：「佢係澳洲同事，咁啱返香港做嘢食吓飯。」問到為何只有兩人撐枱腳？娜姐笑說：「香港同事日日做嘢都見到我，可能唔想見我呢。」
改電話號碼避Avis
問Daren是否追求她？娜姐說：「冇問過佢，唔會啦，普通食吓飯，我唔搞公司同事，唔會將工作感情擺埋一齊，但身為單身女仔，好歡迎各界人士約我食飯，希望大家好好愛惜周秀娜呢個行動，多啲嚟密啲手，慢慢揀。」對於Avis自爆傳短訊慰問她，娜姐冷冷說：「唔知，我轉咗電話，唔想再理佢啲嘢，各自過生活最好。」娜姐決絕轉電話號碼，是否代表再見不是朋友？她說：「唔想再理，做人要向前望。」問她會否抗拒跟Avis合作？她說：「合作到先算。」她揚言今個情人節想收花，好想開花舖。
Avis昨日頹爆返佐敦的髮型屋開工，坦言會祝福娜姐有新歡
被娜姐狠撇的Avis，昨寄情工作專心為客人整頭
至於被狠撇的Avis，昨午5時許在佐敦髮型屋頹爆開工，他坦言跟娜姐已沒聯絡：「我最想講我哋分開係冇第三者，分開係有自己問題，牽涉唔到其他人。」對於娜姐有新歡，他酸溜溜說：「我都唔清楚，因為冇聯絡，冇理咁多嘢，已經係佢嘅事，如果係戀情會祝福，我都想佢好。」問會否向娜姐了解？他慨嘆：「都分開咗點解要了解，已經唔係我女友唔需要了解，𠵱家我單身，拖都唔敢拍。」至於Mia的富二代男友曝光，Avis說：「同佢都少見咗，佢啲嘢我唔會多管。」
Avis和Vivian的疑似床照流出後，即跟她割席沒聯絡
王晶父女轟張暖雅
此外，Avis與Vivian的疑似床照流出，𡃁模張暖雅日前公開指責Vivian博上位，不過張暖雅平日同樣愛炒作，難怪王晶女兒王子涵昨在微博力撐好友Vivian：「張小姐，唔關你事就收聲啦！話人博出位，邊夠你整容整到成個蠟像咁都話自己冇整咁出位呀！你同你嘅朋友盜用我個名出入我爸爸公司party博上報，我都未出聲啦，博上位唔該行遠啲！」王晶亦附和愛女留言：「呢條女周身水，任抽。」
From:
http://hk.apple.nextmedia.com/entertainment/art/20130127/18147679
