自00年演出舞台劇《煙雨紅船》之後，劉嘉玲已未有在台上演出舞台劇，前晚她到新光戲院欣賞小百花越劇《西廂記》原生代演員封箱巡演。嘉玲揚言戲癮大發想再演舞台劇，就算要她埋沒驕人身材反串也隨時歡迎。
【今日我至發】劉嘉玲前晚戲癮大發，開晒聲話想演舞台劇，仲話反串都得，歡迎大家畀好劇本佢喎
劉嘉玲前晚在新光戲院欣賞小百花越劇《西廂記》原生代演員封箱巡演，汪明荃（阿姐）擔任司儀，嘉玲睇足全場，看得十分投入。其實前晚的演出，是原生代演員將劇目傳給徒弟演出，場面十分感動。
嘉玲自言由細到大都喜歡看上海越劇，所以前晚專程來撐場，加上她從未見過封箱儀式，看後覺得十分傷感。她自爆當年曾在《歡樂今宵》唱過一段《紅樓夢》，因為此曲她自細聽到大，她亦十分喜愛該曲的旋律，感覺很柔和。
「反串都可以」
問到會否收徒時，嘉玲即哈哈大笑說：「唔好嘞，呢啲做咗好多年，係同做演員唔同，演員塑造一個角色，但呢啲真係藝術家，係功夫嚟嘅，做演員簡單好多。因為呢啲演員，所以我好鍾意現場睇呢啲劇。」嘉玲直言很有興趣做舞台劇或話劇，對上一次演舞台劇已是00年的《煙雨紅船》，她直言很期待再有演出機會，並說：「等咗好耐，有人搵我，但劇本唔係好啱，等緊好劇本，唔敢講乜嘢挑戰，要角色啱自己就得，只係想做好件事，就算反串都可以。」記者笑指她身材驕人難以反串角色時，她即表示會有服裝幫助，並再次重申很想做舞台劇，隨時歡迎大家邀請她。
汪明荃前晚擔任活動司儀，更謙虛表示無意收徒弟
劉嘉玲單拖到新光欣賞上海越劇，更入後台探班
阿姐拒收徒弟
另外，阿姐因為是上海人，所以很喜歡看上海越劇，至於會否考慮收徒弟時，她即強調沒有資格教人，亦沒有人向她拜師。對於西九文化區設立戲曲中心，但英文名卻以普通話拼音「Xiqu Centre」，令不少網民不滿，但阿姐唱反調說：「自己就覺得Chinese Opera係外國人改，既然大家有學國語，咁用大家都識講嘅講法講出嚟，冇乜大問題，唔覺有乜影響。」
對於周星馳連續兩日缺席政協會議，身為全國政協的阿姐覺得有不少藝人做政協是好事，因為可以為同行發聲，她說：「既然咁就要好好安排時間，履行呢個責任，做好呢件事。」
From:
http://hk.apple.nextmedia.com/entertainment/art/20130127/18147771
