週日（20日），周秀娜在港台頒獎禮自爆與拍拖六年的陳偉成（Avis）分手。事後她一臉淡然說：「感情冇分錯與對，我哋係和平分手嘅！」
本週二（22日），早前被本刊拍得漏夜上樓私會的Avis和嫩模羅彩玲（Vivian）再洩床照。男友偷食鐵證如山。
床照刺激下，周秀娜週三（23日）接受本刊電話訪問時，終於不再強忍情傷，一度哽咽說：「話冇唔開心係呃你，有嘗試去挽救……但處理嗰時已經嚟唔切。」她更親述通過電話向Avis攤牌，連見最後一面都費事。
情變令周秀娜險患抑鬱，體重亦直線下降得番88磅，的確陰功。另一方面，小三Vivian並非贏家。床照流出後，她被所屬模特兒公司老闆急召照肺外，更遭Avis寸爆博宣傳。
今年27歲的周秀娜近年顧住北上𢱑銀，𥄫唔實男友陳偉成Avis。上月尾本刊拍得Avis凌晨帶嫩模羅彩玲Vivian返自己屋企過夜。雖然有相為證，但周秀娜當時表面上仍繼續維護陳偉成Avis，她說：「朋友嚟啫！我會用繩綁住佢。」實情當時周和Avis已經處於冷戰期。本週日（20日）港台頒獎禮上終於自爆與Avis分手。週三（23日）凌晨一時，她向本刊記者說：「我哋當時已經有幾個月冇見面冇聯絡，我嘗試去挽救，但大家已經去到冇話題嘅地步，我同佢都意識到大家係時候（分手）㗎喇！」
老闆訓話
週二（22日），爆出床照當日晚上，羅彩玲Vivian被老闆向展邦召到尖沙嘴一餐廳訓話。她一度眼濕濕，以紙巾遮面。
冇男友惟有寄情工作，近日周秀娜再為自家內衣品牌「La Miu」拍攝新一輯噴血照，大曬33D暴乳，明顯瘦剩個胸。
驚爆床照
陳偉成Avis偷食羅彩玲Vivian事件不足一個月，週二（22日），又再流出二人床照，二人面貼面，十分痴纏。
拒絕再做朋友
「今次分手唔涉及任何其他人，不過我知道處理嗰陣已經嚟唔切。」口就話分手唔涉第三者，但之後仍忍唔住寸小三：「事實上我真係唔識邊個係Vivian，不過世途險惡，有啲人嘅人品真係有問題。」
既然感情冇彎轉，周秀娜亦決定斬斷六年情。不過她透露是自己主動打電話同Avis攤牌，連最後一面都唔想見。「確實嘅時間我真係唔記得，我同佢講『一段感情係唔會冇問題，需要大家去包容同體諒。不過我哋之間連嗌交同意見分歧都冇，真係好淡。』」當時Avis亦無奈接受分手，不過他就鋪定後路，在電話中提出大家「再見亦是朋友」的要求。「話冇唔開心係呃你，始終六年感情，冇咗都好可惜。不過我哋個冷靜期實在太耐，所以我冇為呢件事流過一滴眼淚。」此時周秀娜愈說愈激動，更一度哽咽：「佢依家已經係過去式，我冇興趣再知佢任何嘢，大家各自各生活啦！」
連嗒兩女
陳偉成Avis個底花到暈，趁周秀娜搏殺搵銀，密密偷食。嫩模、模媽統統唔放過，難怪娜姐忍痛斬纜。
速食嫩模
去年12月，本刊拍得Avis帶羅彩玲Vivian夜蒲見friend，之後更一同返回寓所過夜。
肉搏模媽
去年4月，有指陳偉成Avis與模媽Mia合作《喜愛夜蒲2》假戲真做（圖）。之後更被本刊拍得他夜訪Mia香閨過夜。
扯乾12磅
男友Avis屢次偷食，周秀娜忍完再忍，搞到抑鬱，暴瘦12磅。上週六（19日），她以低胸晚裝出席活動，面無四両肉。除了心口兩團肉，手臂及雙腳瘦到見骨，鎖骨亦暴現，我見猶憐。
12年100磅-身材fit爆的周秀娜，火速上位，當時事業愛情兩得意，精神飽滿到發光咁款。
13年88磅
羅彩玲Vivian介入感內疚
另一方面，正當週秀娜剛單方面宣佈分手之際，陳偉成Avis與羅彩玲Vivian的床照卻突然夾啱時間流出，難免令人聯想有人故意放料博見報。週二（22日），本刊發現羅彩玲Vivian被模特兒公司老闆向展邦召到尖沙嘴某餐廳訓話。其間向更手指指狂鬧Vivian，令她忍唔住於大庭廣眾落淚。
記者現場聽到他對Vivian說：「無端端做乜上個男仔度玩，流出呢啲相好影響公司形象，唔該你檢點啲，唔可以再飲醉酒。」之後記者以電話聯絡到羅彩玲Vivian，她否認自己是小三，「如果真係因為咁（床照）而搞到佢哋分手，我真係好內疚。」週三（23日），Vivian更開記招解釋「床照」的來龍去脈，「嗰張唔係床照，只係飲醉喺梳化度，朋友影咗放上去facebook，事後已經刪除曬㗎喇！」而身旁的向展邦插嘴，他暗寸Avis龜縮：「我希望Avis快啲出嚟回應。」
記者事後將Vivian的回應向周秀娜轉述，她先冷笑兩聲，然後再說：「客廳又好、廁所又好啦！都唔關我事，唔需要咁內疚喎！嗰個係我前度，佢嘅嘢我冇興趣知，亦唔會理，我幫佢哋唔到！」而一直未有為此事回應的Avis，除拒聽任何電話外，連日來都沒有返佐敦髮型屋。潛水多日的Avis，週三（23日）終於現身，由沙田寓所揸車返佐敦開工。記者埋身採訪，他一臉愁容說：「同佢始終六年感情，冇咗，真係好唔開心。心情真係唔好，唔想講嘢。（Vivian同你有床照流出喎？）我覺得都係有人博宣傳！」其後他似乎醒覺自己講多錯多，急急腳返回髮型屋避鋒頭。知情人士說：「Avis諗住暑假出寫真曬肌肉，希望可以彈起，但依家搞到形象咁，隨時人財兩失。」
愁爆現身
週三（23日）下午，陳偉成Avis終於現身到佐敦髮型屋開工，滿臉愁容，但亦忍唔住寸爆新歡Vivian抽水，「有人博宣傳。」看來「分手」和「床照」兩事對他打擊相當大。
澄清冇性關係
週三（23日），羅彩玲Vivian開記招指床照是因醉酒被友人偷拍，不過她強調與Avis未有發生性關係。其間向展邦幫口補鑊，似乎擔心Vivian愈講愈亂。
最後約會
去年8月，周秀娜出席完活動後，由男友陳偉成Avis接送。上車之前，她還向記者揮手，表現風騷。估唔到當晚是他們的最後一晚約會。
鬧交收場
他們到銅鑼灣後，周圍搵餐廳食飯，但二人突然面燶燶，飯都未食就上車走人，看來感情已存暗湧。
出書唔提前度
雖然態度決絕，但畢竟周秀娜只是一個女人，需要男人呵護。據知早前她亦因情困搞到心情低落，一度懷疑自己患上抑鬱。「係人都有情緒，嗰陣咁啱又喺內地拍緊一套驚慄片，個角色好慘。每日拍完戲返到酒店又係一個人，淨係對住四幅牆，唔多唔少都會亂諗嘢。」雖然現時情況已好轉，但身高五呎六吋半，一直只有100磅的她，近日被發現身形暴瘦，體重驟降12磅，得番88磅，瘦到條頸和手臂青筋凸現，非常誇張。她說：「唔係情傷呀！不過我都覺得瘦咗少少，有四嚿腹肌，都驚男人唔敢埋身。」
其實周秀娜下月將會推出由她親自撰寫的新書《夢．她．處》，書中記述她與林峰、最新緋聞男友方力申等男拍檔的合作過程，不過對Avis卻隻字不提，「值得回憶嘅嘢先寫啦！」
正如周秀娜話齋，一段感情冇分錯與對，但就有贏和輸，今次Avis明顯是輸家。
出書爆嘆男星實錄
升呢做「娜姐」的周秀娜，由肉女變才女，下月推出新書《夢．她．處》。書中除記載她入行以來的血淚史外，更大爆她與不少男演員合作時的秘聞。她除用三頁紙去回味與林峰的情慾戲外，連緋聞男友方力申亦讚不絕口。
讚小方細心
近日有指周秀娜做小三，令方力申和Stephy情變，不過她對緋聞一笑置之，「佢當我係兄弟嚟咋。《唐朝浪漫英雄》係我第一部電視劇，佢好睇住我，教我走位，對我好好。」
揭林峰有反應
周秀娜書中就踢爆2010年林峰與她拍攝《抱抱俏佳人》的梳化情慾戲時有反應，林峰耳仔紅曬。她說：「嗰時㷫烚烚！大家埋位前又飲咗酒，血液循環得好好。」
周秀娜書中亦大讚林峰有風度，導演嗌cut後，林峰即時幫她擋身體，以免她走光。週二（22日），林峰綵排個唱時對此說：「多謝！多謝！男藝人保護女藝人好正常啫！」
鬼片惹抑鬱
去年娜姐北上拍了六部戲，其中《夜店詭談》一片令她情緒低落，加上當時她與Avis濃情轉淡，令她一度懷疑自己患上抑鬱症。
網友不停鬧
周秀娜和Avis分手一事，成為近期娛圈熱話。不少網友紛紛到討論區及他們的微博留言，鬧爆Avis死蠢之餘，更指Vivian賤格。
鬧羅彩玲Vivian抽水
插Avis走寶
